蘭芳園

營業中

休息中

其實一直就想黎呢度試下，但遲遲都未有機會，今日拍拖偶然地經過蘭芳園，但本來plan去食日本料理，但我堅持想入去試下，最後呢一次偶然，令我發現唔少驚喜。一入到去發現店裡超級多人，但經店員巧妙安排坐位後，不用三分鐘已經有位。本身只係唸住食咖央，因為想留肚去食日本野，但入到去發現香味充斥全店，最後決定叫一個咖央，一碗心多多撈丁，一杯香滑奶茶。食物黎到之後，我地先發現原來我地坐左喺個廁所出面，但可惜已經恨錯難返，全店都係人，我唸想換個位都幾難，最後只好忍氣吞聲繼續食野。但當我地正介懷緊個廁所時，我無意咁將塊咖央放入口中，發現原來加入左奶黃既西多士真係好好味，奶黃既甜味同西多既味道係勁match，我再將心多多撈丁放入口中時，我已忘記個廁所喺我地後面，因為個心多多撈丁實在太好味，無論係啲材料定醬料都同成碗撈麵味道好夾，真係好好味；到本奶茶，真係又香又滑，同其它茶餐廳完全無得比，茶味香濃，奶味香滑，構成左一杯一百分既奶茶，下次有機會一定要黎試下其它野食。