瀛豐放題料理專門店 (已搬遷) 新店位置

以呢個價錢黎講，生蠔質素尚可接受。如果鐘意生啤嘅話，都幾抵飲。比較好食嘅野係芝士年糕同燒菠蘿，但係呢啲基本野係唔會難食而其他野就好普通。刺身種類好少，帶子海膽完全冇鮮味。食物種類都好少，連牛舌都冇，沙律又剩係得一款，就係最基本嘅蟹子青瓜沙律。天婦羅完全唔天婦羅，個粉漿炸到好硬好實。最有驚喜就係一口牛，一嚟到真係嚇親，成碟酒樓小菜咁大碟，我哋四個人食，真係叫埋白飯食都仲得。碟牛完全係中式牛柳咁嘅味。炒什菜，炒什菇同一口牛等全部小炒都係同用一個汁去炒，全部一樣味。最後，甜品同樣選擇少並且唔好食。