更多
2019-09-24
672 瀏覽
同事請食tea, 所以特登去咗買好貴嘅lady m外賣。買咗我最鍾意嘅伯爵茶味!仲有原味同埋試咗個之前我冇食過嘅開心果味。開心果上面呢係真係有啲果實嘅。overall覺得三個都係好甜,但伯爵菜茶味係好濃,所以都係我覺得最鍾意,比較冇咁甜。 開心果味我覺得都唔錯嘅,但係我覺得可以係中間或者上面再落多啲開心果,令到佢呢溝埋一齊,果實味再香啲同埋濃啲去balance個種甜味。 食完呢覺得好漏,同埋一個人要食一整件其實真係有少少太多嘅,除非你真係坐成個下晝tea三個鐘咁你就比較會食得落囉。雖然佢而家越嚟越貴,加價加到成七十蚊一件,但我都覺得佢係好食嘅。
張貼