58
62
62
等級4
442
0
2008-07-07 2 瀏覽
星期日落大雨,見無乜地方去就同屋企人行吓圓方,咪見佢平時無乜人原來假日一樣人山人海,食肆雖然唔少但係可供選擇不多,個人最怕個D所謂fusion菜,行過一間唔記得叫乜名,裝修好靚,睇吓個餐牌,佢話食湖南,上海同意大利菜,呢三個地方嘅菜真係大都扯唔埋,點fusion呀?唔係求其將D風馬牛擺埋一堆就叫做fusion.行嚟行去結果都係幫襯最多人個間,集體智慧有時都唔會差得去邊.講番呢間唔知得罪咗乜野人,點解喊面多過笑面,如果真係咁差就唔會排晒長龍,唔通D人個個都係傻嘅?依家響門口排隊比以前有秩序,排咗唔使半個鐘就有位,最快係兩個人,食咗排骨麵,其實係陽春麵加炸豬扒,湯無味,豬扒又乾,但麵質夠爽.雪菜牛肉兩面黃,麵炸得夠脆,正!小食有棒棒雞,即係雞絲粉皮,痳醬一流,好味,四喜烤麩,好入味,個汁好正,紅油抄手,皮滑餡靚,水餃反而普通咗D.水準其實唔差,當然有好多地方比佢好食但唔一定要話佢差,而家D人好鍾意一窩蜂,有人話好就齊齊話好,有人彈就一齊彈,做人應該人主見,唔好跟人口水尾!
更多
星期日落大雨,見無乜地方去就同屋企人行吓圓方,咪見佢平時無乜人原來假日一樣人山人海,食肆雖然唔少但係可供選擇不多,個人最怕個D所謂fusion菜,行過一間唔記得叫乜名,裝修好靚,睇吓個餐牌,佢話食湖南,上海同意大利菜,呢三個地方嘅菜真係大都扯唔埋,點fusion呀?唔係求其將D風馬牛擺埋一堆就叫做fusion.行嚟行去結果都係幫襯最多人個間,集體智慧有時都唔會差得去邊.
講番呢間唔知得罪咗乜野人,點解喊面多過笑面,如果真係咁差就唔會排晒長龍,唔通D人個個都係傻嘅?依家響門口排隊比以前有秩序,排咗唔使半個鐘就有位,最快係兩個人,
食咗排骨麵,其實係陽春麵加炸豬扒,湯無味,豬扒又乾,但麵質夠爽.雪菜牛肉兩面黃,麵炸得夠脆,正!小食有棒棒雞,即係雞絲粉皮,痳醬一流,好味,四喜烤麩,好入味,個汁好正,紅油抄手,皮滑餡靚,水餃反而普通咗D.
水準其實唔差,當然有好多地方比佢好食但唔一定要話佢差,而家D人好鍾意一窩蜂,有人話好就齊齊話好,有人彈就一齊彈,做人應該人主見,唔好跟人口水尾!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$85 (午餐)
推介美食
  • 棒棒雞
  • 兩面黃
  • 四喜烤麩
  • 紅油抄手