🌟 泰式炭燒豬肉串
炭香四溢嘅豬肉串配上濃郁沙嗲醬，簡直係完美組合！豬肉略帶乾身，但沙嗲醬一淋上去，成個口味即刻升華晒。鹹香惹味，令人一串接一串。
🍗 炸雞脾配冬陰功金邊粉
新鮮炸起嘅雞脾香氣四溢，皮脆肉嫩，真係要趁熱食，口感最佳！
金邊粉酸酸辣辣，一開始以為味道溫和，點知愈食愈有後勁，辣味慢慢滲出，好在有杯泰奶喺旁，啱啱好可以解辣！
🍳 越式香茅葱油豬扒煎蛋飯
唔知點解，我覺得其實這道越式豬扒飯帶點港式茶餐廳嘅風味。可能呢種融合風味，正正展現咗多國菜餐廳嘅特色——將唔同地道滋味巧妙結合，創造出新層次。淡淡嘅香茅香氣慢慢飄逸出嚟，豬扒煎得香口，配埋半熟煎蛋，拮開個蛋黃就有流心嘅蛋黃醬同葱油白飯，一啖接一啖，完全停唔到手。
🧋特飲都有十幾款。想港式啲嘅有紅豆冰，但我哋就揀左開胃醒神嘅青檸檬梳打同有泰式奶茶。泰奶可以幫手中和冬陰功嘅辣，好彩有叫到！
P.S. 見到佢哋個黑板菜單有個小笑臉，好可愛啊！下次你哋嚟睇下仲喺咪度！
Yum Yum 味道 (上環)
📍上環畢街15號地舖
4
1
1
