無肉食 (My Central) (已結業)

朋友係素食者，推介我過嚟試一試，呢間隱蔽素菜。地點係中環露天蔬果市場附近，一座新大廈入面，雖然係地下，但如果唔熟悉呢區嘅都唔容易搵㗎。一入門口，俾錢先入座。嘩！估唔到喺中環食個Tea buffet,每人都唔使$100🤩沙律吧勁多款式，蔬菜生果應有盡有，全部都好爽脆同新鮮，有湯有甜品仲有洛神花茶供應。我最鍾意就係，皮蛋同埋涼拌蓮藕，仲有炒蛋，正！熟食都算多選擇，蔬菜類為主，亦有炒麵炒飯。炸物有，炸番薯、炸饅頭、炸南瓜、炸茄子。甜品都多種類，椰汁糕、馬拉糕、涼粉⋯我最鍾意食炸饅頭，夠香脆！炸饅頭，而家好多茶樓都搵唔到ga！