更多
2019-09-22
1587 瀏覽
上星期有喺浸大教書既朋友約食飯,話帶我食好西,真係唔係佢帶路,都唔知喺浸大員工宿舍嗰邊有間咁唔起眼既餐廳但入到去又有別有洞天的感覺,落地大窗,環境寬敞,位置闊落,好休閑的感覺!呢度夜少少都有好多識食既客人,坐滿左大部份位置,但仍然寬敞! 呢度採用開放式廚房,餸菜既香味直接由呢度傳出嚟,睇見入面非常乾淨,對食物既質素都信心大增!由於轉左做套餐,可以叫兩杯飲,而飲品首先嚟到,賣相十分吸引!我叫既係凍抹茶櫻花奶茶,大大舊cream, 奶味香,仲有陣陣既抹茶香,呢個組合又幾得意!魷魚配西班牙辣肉腸沙律,沙律菜幾爽口同鮮甜,配上咸香味十足既辣肉腸同爽口既魷魚,仲有醒神既油醋汁打底,都幾開胃!餐湯未到前熱辣辣既充滿芝麻香味既麵包率先嚟到,我第一時間將牛油塞進包入面,熱力將牛油溶晒喺包中! 呢個真係食熱辣辣麵包最好既食法!跟住有套餐熱辣辣既餐湯,香甜既南瓜餐湯配上香脆既蓉多士塊,賣相吸引,口感都十足!餐湯後,主菜咸蛋黃南瓜忌廉汁意大利飯首先出場,香濃既咸蛋香味,未送到檯上已經聞到,令人食指大動,咸蛋黃汁滿滿鋪滿飯面,意大利飯煮得幾有咬口,南瓜既味道為平衡返咸蛋既咸香味,令個汁咸中帶甜!另一個朋友推
但入到去又有別有洞天的感覺,落地大窗,環境寬敞,位置闊落,好休閑的感覺!
呢度夜少少都有好多識食既客人,坐滿左大部份位置,但仍然寬敞!
呢度採用開放式廚房,餸菜既香味直接由呢度傳出嚟,睇見入面非常乾淨,對食物既質素都信心大增!
由於轉左做套餐,可以叫兩杯飲,而飲品首先嚟到,賣相十分吸引!我叫既係凍抹茶櫻花奶茶,大大舊cream, 奶味香,仲有陣陣既抹茶香,呢個組合又幾得意!
魷魚配西班牙辣肉腸沙律,沙律菜幾爽口同鮮甜,配上咸香味十足既辣肉腸同爽口既魷魚,仲有醒神既油醋汁打底,都幾開胃!
餐湯未到前熱辣辣既充滿芝麻香味既麵包率先嚟到,我第一時間將牛油塞進包入面,熱力將牛油溶晒喺包中! 呢個真係食熱辣辣麵包最好既食法!
跟住有套餐熱辣辣既餐湯,香甜既南瓜餐湯配上香脆既蓉多士塊,賣相吸引,口感都十足!
餐湯後,主菜咸蛋黃南瓜忌廉汁意大利飯首先出場,香濃既咸蛋香味,未送到檯上已經聞到,令人食指大動,咸蛋黃汁滿滿鋪滿飯面,意大利飯煮得幾有咬口,南瓜既味道為平衡返咸蛋既咸香味,令個汁咸中帶甜!
另一個朋友推既威靈頓牛柳主菜,等左一陣都送到嚟!色香味集於一身,薯條香脆,牛柳外有層香脆既酥皮,牛柳都幾軟稔,富有豐富既肉汁,生熟程度處理得宜,份量又足,所以都成為呢度既招牌菜!
其實牛柳都十分足味,唔駛點醬汁都ok, 不過仍然要讚佢哋提供左高質既海鹽做調味料,如果都嫌唔夠味仲有燒汁供應!
張貼