更多
2020-11-02
375 瀏覽
今次同朋友去左葵興行下佛羅倫斯小鎮睇下名牌OUTLET，唔講唔知原來過兩條街就有一間好有FEEL嘅CAFE ，朋友係識途老馬就一於跟左佢去搵食。睇返個餐牌，以葵涌區黎講，7-80蚊一個午餐都幾貴，但佢包一杯HK$30價錢嘅飲品，揀貴D補返差價就OK，咁感覺上又好似可以接受。我自己就點左一個香辣伏特加茄醬海鮮意粉，朋友叫左意大利風乾火腿芝士火箭菜意式三文治，另外飲品我就叫左榛子鮮奶咖啡，朋友叫左蜂蜜檸檬薑味梳打。意大利風乾火腿芝士火箭菜意式三文治 HK$78比較薄身同脆嘅麵包中間夾左風乾火腿、芝士、火箭菜，我個人覺得材料實在落得太少，如果再落多D會開心好多，睇相都見到有幾單薄，不過味道上係OK嘅，因為風乾火腿比較咸，火箭菜又有種好強烈香味，所以本身加埋一齊都已經好夠味，只係我覺得如果可以再多D饀料會開心好多LOL香辣伏特加茄醬海鮮意粉 HK$88呢個意粉份量上大碟好多，比麵包更飽肚，佢裡面有少少少少少酒味，再有濃濃蕃茄酸味醬底，有好輕微到直頭唔覺嘅辣味。海鮮有幾隻蝦，有D魷魚圈，仲有好多好細粒嘅元貝，整體感覺好足料，比個麵包更豐富 哈哈榛子鮮奶咖啡 跟餐+HK$15鮮奶味好重嘅咖啡，有
今次同朋友去左葵興行下佛羅倫斯小鎮睇下名牌OUTLET，唔講唔知原來過兩條街就有一間好有FEEL嘅CAFE ，朋友係識途老馬就一於跟左佢去搵食。
睇返個餐牌，以葵涌區黎講，7-80蚊一個午餐都幾貴，但佢包一杯HK$30價錢嘅飲品，揀貴D補返差價就OK，咁感覺上又好似可以接受。
我自己就點左一個香辣伏特加茄醬海鮮意粉，朋友叫左意大利風乾火腿芝士火箭菜意式三文治，另外飲品我就叫左榛子鮮奶咖啡，朋友叫左蜂蜜檸檬薑味梳打。
意大利風乾火腿芝士火箭菜意式三文治 HK$78
比較薄身同脆嘅麵包中間夾左風乾火腿、芝士、火箭菜，我個人覺得材料實在落得太少，如果再落多D會開心好多，睇相都見到有幾單薄，不過味道上係OK嘅，因為風乾火腿比較咸，火箭菜又有種好強烈香味，所以本身加埋一齊都已經好夠味，只係我覺得如果可以再多D饀料會開心好多LOL
香辣伏特加茄醬海鮮意粉 HK$88
呢個意粉份量上大碟好多，比麵包更飽肚，佢裡面有少少少少少酒味，再有濃濃蕃茄酸味醬底，有好輕微到直頭唔覺嘅辣味。海鮮有幾隻蝦，有D魷魚圈，仲有好多好細粒嘅元貝，整體感覺好足料，比個麵包更豐富 哈哈
榛子鮮奶咖啡 跟餐+HK$15
鮮奶味好重嘅咖啡，有少少咖啡嘅苦味，仲有好甜嘅榛子醬味，無諗過會係咁甜，不過中和返咖啡嘅苦澀味，都飲得幾舒服，但怕肥人士就真係唔好啦。
蜂蜜檸檬薑味梳打 跟餐+HK$8
呢杯梳打有種好咸嘅味道，因為梳打水係落左sodium呀嘛，而佢嘅薑味比較淡，蜂蜜反而出少少，都有少少檸檬香同埋檸檬酸味，如果你點左一個好heavy嘅菜式飲呢個就好適合不過啦。
題外話，餐廳隔離就已經係好似車房嘅地方，坐玻璃位嘅景觀係一大堆車呔+工友掠嘅衫，成件事好唔match，建議佢係eye level加返個磨紗玻璃貼紙，遮一遮呢個view.....
張貼
