影片
更多
2024-04-21
1977 瀏覽
•有日喺D2 place睇完戲，朋友話想嚟呢間食，不過呢到都真係可以用隱世去形容，喺人來人往嘅長沙灣搵咗一陣先搵到入口，因為個大廈入口喺一個報紙檔後面，上到去門口都未見到店名，但入到去係以舊式茶餐廳主題裝修，有啲舊電影海報咁，好有特別，有種穿越嘅感覺🤣 但呢到係食西餐！真係估唔到！不過呢到嘅上菜速度係比較慢，店員有解釋係因為得一個廚師，晏啲多人嘅時候，店家可能想每枱客都可以食住啲野等就無跟到落單次序出餐，要真係同朋友想傾計可以坐耐啲等會比較好啦~•🥢卡邦尼意粉 $120餐牌有個熱門- 卡邦尼腸粉，見好多枱都有叫到，但卡邦尼配腸粉呢個配搭有啲衝擊，我哋就無叫，都係叫返卡邦尼意粉~卡邦尼意粉份量都幾多，意粉偏硬，但我幾鍾意，卡邦尼醬汁好黏稠，仲加咗煙肉同脆煙肉碎，多咗啲口感！•🥢黑松露蘑菇焗薯蓉 $48呢個焗薯蓉寫明係一人份量，我哋諗住唔會好多，但原來都有滿滿一碗，係食得飽一個人嘅份量！薯蓉好滑，單獨食薯溶係有啲淡味，但上面鋪咗黑松露同蘑菇嘅醬汁，有啲似杰啲嘅黑松露蘑菇湯，不錯！•🥢 蜜糖雞翼 $58雞翼等咗好耐，上枱熱辣辣，雞翼炸到好乾身，微脆，但入面都仲juicy，外層有蜜糖包住甜甜地
有日喺D2 place睇完戲，朋友話想嚟呢間食，不過呢到都真係可以用隱世去形容，喺人來人往嘅長沙灣搵咗一陣先搵到入口，因為個大廈入口喺一個報紙檔後面，上到去門口都未見到店名，但入到去係以舊式茶餐廳主題裝修，有啲舊電影海報咁，好有特別，有種穿越嘅感覺🤣 但呢到係食西餐！真係估唔到！
不過呢到嘅上菜速度係比較慢，店員有解釋係因為得一個廚師，晏啲多人嘅時候，店家可能想每枱客都可以食住啲野等就無跟到落單次序出餐，要真係同朋友想傾計可以坐耐啲等會比較好啦~
•
🥢卡邦尼意粉 $120
餐牌有個熱門- 卡邦尼腸粉，見好多枱都有叫到，但卡邦尼配腸粉呢個配搭有啲衝擊，我哋就無叫，都係叫返卡邦尼意粉~
卡邦尼意粉份量都幾多，意粉偏硬，但我幾鍾意，卡邦尼醬汁好黏稠，仲加咗煙肉同脆煙肉碎，多咗啲口感！
卡邦尼意粉
$120
61 瀏覽
0 讚好
0 留言
卡邦尼意粉
$120
12 瀏覽
0 讚好
0 留言
•
🥢黑松露蘑菇焗薯蓉 $48
呢個焗薯蓉寫明係一人份量，我哋諗住唔會好多，但原來都有滿滿一碗，係食得飽一個人嘅份量！薯蓉好滑，單獨食薯溶係有啲淡味，但上面鋪咗黑松露同蘑菇嘅醬汁，有啲似杰啲嘅黑松露蘑菇湯，不錯！
黑松露蘑菇焗薯蓉
$48
95 瀏覽
2 讚好
0 留言
黑松露蘑菇焗薯蓉
$48
36 瀏覽
0 讚好
0 留言
黑松露蘑菇焗薯蓉
$48
41 瀏覽
0 讚好
0 留言
•
🥢 蜜糖雞翼 $58
雞翼等咗好耐，上枱熱辣辣，雞翼炸到好乾身，微脆，但入面都仲juicy，外層有蜜糖包住甜甜地，同時又有啲香草調味~
蜜糖雞翼
$58
49 瀏覽
0 讚好
0 留言
張貼
