10
2
3
等級3
75
1
2019-10-13 1334 瀏覽
公司附近有一間外表睇落去都幾普通嘅潮式粉麵店,但自從試過一次佢哋啲牛腩之後,就覺得佢都算係隱世美食。我第一次食呢間野嘅時候,看到佢地餐牌,係覺得價錢非常之貴!佢地一碗單拼粉麵都要$45,喺九龍灣工業區嘅舊店消費來講,定價係非常進取!但見佢午市果陣總係塞爆人,我估應該都唔錯掛。因為粉麵唔太抵,所以我自己個人黎通常都係食佢哋個飯招牌切腩飯,一個餐差唔多價錢好似抵D。今日都唔例外,叫咗一份招牌切腩飯加凍飲都係$59,感覺上OK。凍檸蜜要再加兩蚊,但係都算幾大杯,唔錯。佢哋嘅牛腩其實係算切得非常大件,而且係好特別好似燒肉咁係方柱體嘅。至於味道,唔係一般嘅柱侯牛腩,亦都唔係清湯腩,佢地話係 『潮州新派切腩』,其實算係比較少見嘅潮州滷水牛腩。牛腩入味,但唔會太多醬汁味,會食到肉本身的味道,亦都唔會炆到非常稔,而係保留返個比較彈牙嘅口感。基本上佢哋牛腩都唔會過瘦或者過肥,好似每一舊都係標準,有瘦肉連埋一啲肥筋膜相間,咁樣唔會太肥又唔會太柴唔好食。一個飯餐嘅牛腩份量都好多,下邊仲有個生菜底仲有啲蘿蔔,吸哂D牛腩湯汁嘅精華,最緊要係佢個汁唔會太油太膩。如此小店出品,竟然同市區的牛腩名店能有一拼,可以話都
更多
公司附近有一間外表睇落去都幾普通嘅潮式粉麵店,但自從試過一次佢哋啲牛腩之後,就覺得佢都算係隱世美食。我第一次食呢間野嘅時候,看到佢地餐牌,係覺得價錢非常之貴!佢地一碗單拼粉麵都要$45,喺九龍灣工業區嘅舊店消費來講,定價係非常進取!
15 瀏覽
0 讚好
0 留言

但見佢午市果陣總係塞爆人,我估應該都唔錯掛。因為粉麵唔太抵,所以我自己個人黎通常都係食佢哋個飯招牌切腩飯,一個餐差唔多價錢好似抵D。今日都唔例外,叫咗一份招牌切腩飯加凍飲都係$59,感覺上OK。
9 瀏覽
0 讚好
0 留言

凍檸蜜要再加兩蚊,但係都算幾大杯,唔錯。
3 瀏覽
0 讚好
0 留言

佢哋嘅牛腩其實係算切得非常大件,而且係好特別好似燒肉咁係方柱體嘅。
7 瀏覽
0 讚好
0 留言

至於味道,唔係一般嘅柱侯牛腩,亦都唔係清湯腩,佢地話係 『潮州新派切腩』,其實算係比較少見嘅潮州滷水牛腩。牛腩入味,但唔會太多醬汁味,會食到肉本身的味道,亦都唔會炆到非常稔,而係保留返個比較彈牙嘅口感。基本上佢哋牛腩都唔會過瘦或者過肥,好似每一舊都係標準,有瘦肉連埋一啲肥筋膜相間,咁樣唔會太肥又唔會太柴唔好食。一個飯餐嘅牛腩份量都好多,下邊仲有個生菜底仲有啲蘿蔔,吸哂D牛腩湯汁嘅精華,最緊要係佢個汁唔會太油太膩。如此小店出品,竟然同市區的牛腩名店能有一拼,可以話都幾隱世FEEL。
5 瀏覽
1 讚好
0 留言

今日唔記得叫小飯,都差啲食唔晒。環境就真係非常一般。而且午飯是時候係非常之旺場,搭檯加凳會坐得好迫。阿姐個個忙到腳不沾地,會比較嘈同唔會有星級服務啦,但個個快手食完都會走。
4 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$61 (午餐)
推介美食
  • 切腩