叁拾壹堂高烤吐司 (德昌里) (已結業)

今天一早起身望出窗外個太陽伯伯好厲害，所以打算在家打蛇餅，但係由於昨晚冇食晚餐的關係，個肚打鼓，所以決定落街睇吓附近有乜嘢醫肚，結果發現了這間隱藏在一條橫街裡面的多士三明治. 店舖好細，唔留意可能就會missed 左。今日得老闆一個人在，我叫左個烤雞肉多士三明治，即叫即做，睇住佢全部逐樣煎，塊雞扒都好大塊，收28蚊，真係唔貴，特別係里面再夾左一層微酸嘅薯蓉，味道很不錯，唯一美中不足是塊麵包，烘成多士後有點”un” . 可以考慮換個麵包供應商就perfect 了。現場有兩個好迷李的bar台仔，勉強坐倒三個人，但這樣就阻擋了進店買嘢的客人，所以比較適合買外賣！