黃仔味工房 (已結業)

之前在搜尋日式私房菜時曾經見過這家店，但見之前食評年代久遠，位置又唔方便，仲以為經已結業，上星期五見報紙介紹，星期六立即去試，發覺非常不錯，破例第一次寫食評，以示支持這家誠意小店，同埋等人知道佢哋仲係開緊業。位置 : 位處工業區，有線大樓側，真係幾唔方便 (但據聞搭的士可以claim返，上限消費額5%)。裝修 : 簡陋但整潔，Ok。洗手間清潔度 : 以工廠大厦黎講算幾好，可以接受。點了個Omakase，貪佢可以試多幾種嘢。前菜 : 精致，有十幾二十款，每人一件， 細份但真係幾好食，唯有小吃多滋味。刺身 : 有D貝殼類雪到硬左，但魚類非常得，真係食到每種魚不同味道，正!蟹膏仔 : D糕好香，下次必定再叫。熟食 : 普通但勝在熱辣辣!三文魚粥 : 幾好，下次可以再叫。以價論貨，真係幾抵食，尤其以三百多元食 Omaksae算是超值 (其實我覺得反而有D似懷石料理，因為大部份都係細細碟)。加上我覺得佢地真係誠意十足，所以寫呢篇食評。P.S. 如果店主或有關人等睇到呢段食評，真係希望你哋改用一D正常及簡單嘅器皿黎上菜，而家用果D真係花巧又無謂，有D都幾肉酸下，簡簡單單算啦!