火鍋隨意門

營業中

休息中

好友相約食生日飯，適逢又可以晚市堂食，於是我哋嘅選擇至愛嘅火鍋隨意門令我諗起多啦A夢，特別呢幾年無得去旅行，好希望真係有個隨意門，迅間轉移去外地玩呀！入到店內有驚喜，眼前一片熱氣球升空景象，好似突然去咗土耳其咁帶住去旅行嘅心情，叫咗個蒜蓉 卜卜蜆湯底，又係另一種外遊(澳門)嘅懷念。湯底味道好鮮甜，原來係豬骨湯加上芽菜、香芹，上枱前再加上蒜蓉同辣椒，當然仲有主角 ~ 大大粒嘅沙白。 沙白肥美兼肉質鮮甜兩人食到唔停得口兩個食量有限嘅女子，今晚主打食*海*鮮！特盛海鮮拼盤$598有帆立貝、鮑魚、蟶子王、韓國蠔、海蝦、鱔片、兩種蜆鮑魚淥嘅時間啱啱好，鮮味得嚟又唔韌海蝦爽甜好味帆立貝、蟶子王、韓國蠔、兩種蜆都好鮮甜鱔片爽口肥美深海龍躉片$128龍躉片魚味濃郁兼有厚厚嘅骨膠原啊雖然主打係海鮮，都要食少少肉嘅，添咗個伊比利亞豬肉片，唔知以為係肥牛混添食落好有肉味，口感唔錯友人又添咗個自家手打丸，我淨係食咗蝦丸同魚丸，蝦丸彈牙兼蝦味鮮濃魚丸亦都幾好食飲品方面叫咗竹蔗茅根水，足料好味，夠曬滋潤個樽仲好得意添多得好友同我一齊渡過開心又飽足嘅 一晚。