影片
更多
2017-05-19
624 瀏覽
同昔日隊友們同約黎到呢間九重鮮相聚，閒日晚上唔需要等位，叫左個首爾塔黎一齊攻陷，398一位，加100蚊可以加人參雞一隻做粥底，70蚊加1支濟州島製橙汁。破關之前要準備好裝備，店員介紹我地試下佢地秘制醬汁，我試左香茅海鹽同韓式辣醬，點海鮮都好襯，另外試左朋友嘅蒜茸辣醬都好味，如果加左蟹嘅話就梗係揀陳醋無走雞啦～！前菜有4款，泡菜非常夠味，土豆絲帶少少麻辣同麻油香味，酸蘿蔔就酸酸甜甜啱哂我口味。店員說可以免費添加1次。主角出現了，6層高嘅鐵塔好壯觀，店員介紹我地攻陷城塔嘅方法，要等上面個溫度計升到90度就可以打第一層，之後5分鐘後就可以攻第二層，如果攻到低層覺得無力想打慢d ，可以用旁邊嘅保溫瓶裝住d 食物，再開下一層慢慢食，最後就可以食埋個粥底。隊友們都準備好了，第一層嘅對手是蟶子同象拔蚌，非常爽甜，easy job。第二層是元貝，勝瓜同魚糕，入面嘅汁非常鮮味，而且洗得好乾淨，唔會痴住d腸要自己整走，肉質夠嫩，非常鮮甜，極速破關無難度。第三層守關嘅係是海蝦，花甲同南瓜，海蝦蒸得剛剛好是黃金90度，好新鮮，肉質夠彈牙，花甲都好甜，無沙，南瓜好甜，連唔食南瓜嘅隊友都成功克服，輕輕鬆鬆，再攻
破關之前要準備好裝備，店員介紹我地試下佢地秘制醬汁，我試左香茅海鹽同韓式辣醬，點海鮮都好襯，另外試左朋友嘅蒜茸辣醬都好味，如果加左蟹嘅話就梗係揀陳醋無走雞啦～！
前菜有4款，泡菜非常夠味，土豆絲帶少少麻辣同麻油香味，酸蘿蔔就酸酸甜甜啱哂我口味。店員說可以免費添加1次。
主角出現了，6層高嘅鐵塔好壯觀，店員介紹我地攻陷城塔嘅方法，要等上面個溫度計升到90度就可以打第一層，之後5分鐘後就可以攻第二層，如果攻到低層覺得無力想打慢d ，可以用旁邊嘅保溫瓶裝住d 食物，再開下一層慢慢食，最後就可以食埋個粥底。
隊友們都準備好了，第一層嘅對手是蟶子同象拔蚌，非常爽甜，easy job。
第二層是元貝，勝瓜同魚糕，入面嘅汁非常鮮味，而且洗得好乾淨，唔會痴住d腸要自己整走，肉質夠嫩，非常鮮甜，極速破關無難度。
第三層守關嘅係是海蝦，花甲同南瓜，海蝦蒸得剛剛好是黃金90度，好新鮮，肉質夠彈牙，花甲都好甜，無沙，南瓜好甜，連唔食南瓜嘅隊友都成功克服，輕輕鬆鬆，再攻下一層!
第四層遇到北寄貝同龍躉片，龍躉片又厚又嫩嘅肉立即成為我隊嘅目標，滿滿嘅魚脂香味俘虜左我地嘅味蕾了，轟呀～！搞掂埋又爽又甜嘅北寄貝，再向下一層進攻!
第五層來頭不小，有刀蚌，水蟹，牛脷同芝士魚糕座陣，刀蚌略為有點過火了，有點韌，水蟹非常新鮮，有膏，預先敲碎左蟹殼，非常細心，每位隊友有半隻，食蟹花掉了不少時間，要加快進度! 牛脷非常稔，濃濃黑椒香味，正! 係一個好好嘅對手。
第五層嘅芝士魚糕，流心芝士帶點點甜味，薄薄幼滑嘅魚糕，非常特別。
超時完成了第五層之後，到達第六層，隊友們包括我，都開始表現飽肚疲態，但係見到有鮑魚，都激起大家嘅鬥心，繼續起動! 鮑魚不失所望，鮮甜彈牙，墨汁豬肉丸亦不錯，到了蔬菜的出場序，日本蕃薯同南瓜非常鬆軟香甜，對手必然是輕柔嘅女性角色吧～
終於攻陷城塔，打開城池底，原隻人參雞已苦候多時，店員細心幫我地片走面頭嘅油，將雞分成細份，雞肉燉得相當嫩，加埋之前蒸海鮮嘅精華同綿綿嘅粥底，真係無得頂，可惜隊友們都用盡了戰鬥力去完成食材，咁大煲嘅粥底始終不能完成，最後用2個外賣湯碗帶番比屋企人宵夜，不可以浪費食物~!
完成攻塔，大家都非常滿足，埋單450蚊1位，服務很貼心，環境闊落，唔會好嘈唔使趕交枱，同朋友聚會好地方，食飽同隊友們暢談戰場上戰場後嘅種種逸事辛酸事，感覺非常治癒。
張貼
