錫池 (已結業)

迎接2017，到灣仔錫池來一餐廚師發板豪一豪，首先懷石頭盤3小碟（酒煮鮑魚、白蝦、鰻魚），3款菜式都好好味，鮑魚好香有咬口，白蝦炸得火喉好好，鰻魚汁同鰻魚配合得好好。清酒煮蠔，蠔身甘香好滑，又帶清酒輕煮味，一流。刺身 （牡丹蝦、金槍魚腩、雲丹海膽、大池魚、油甘魚腩）全部都新鮮得很，油香十足，好幸福呀！金槍魚鮫壽司，稀有部位的魚鮫來做壽司，唔洗講啦，好食到冇得輸季節鰆魚柚子麫豉，底部有一件清甜的蘿蔔，令呢道菜式level up鹽燒喜之次，日本藉的東星班，魚身非常油滑，試過一次包你一定難忘主菜：肉眼扒/銀雪魚鉄板燒/燒春雞3款都試哂，真係唔識選擇邊樣最好，3款都講唔出缺點，睇個人喜好啦溫泉蛋綠茶橋麥麪，其實已經好飽，但個溫泉蛋又好吸引，結果.....食哂甜品：甜品個胃完全有位，拿破倫，綠茶甜品拼盆，好滿足呀！