53
21
5
等級4
104
0
2019-09-28 361 瀏覽
陝西菜•BiangBiang麵 係佐敦都可以食到陝西菜?當然可以啦,香港係國際大飯店,乜野大茶飯都有得食! 今次叫左羊肉餃biang biang 麵 (HK$52)! 店舖主打「Biang biang 」麵,主打乾拌形式,有需要可向店舖要求加湯。Biang biang 麵超闊身而薄,食起上黎滑嘟嘟而且超有好彈牙有嚼勁。麵上仲有炸紫菜和大量乾蒜,木耳,椒鹽,莞茜,記得攪拌所有材料醬料先好食。炸紫菜脆卜卜,好似食緊小老闆咁,但又冇油膩感!因為麵身寛闊既關係,伴麵既湯汁好容易就掛到麵條上,沾滿香辣醬汁既BIANGBIANG麵食落特別惹味。大中小辣至無辣仼君選擇,如果唔食得辣記住就住嚟嗌喇。(鍾意食辣朋友表示嗌中辣都覺得一啲都唔辣)我揀左羊肉餃做餸,每碗只有三隻餃子,麵量亦不多,男仔食可能唔夠飽肚。餃子皮略厚,但羊肉餃都有鮮味同足夠既羊羶味,尚算可以。
更多
陝西菜•BiangBiang麵 
係佐敦都可以食到陝西菜?當然可以啦,香港係國際大飯店,乜野大茶飯都有得食! 今次叫左羊肉餃biang biang 麵 (HK$52)! 店舖主打「Biang biang 」麵,主打乾拌形式,有需要可向店舖要求加湯。Biang biang 麵超闊身而薄,食起上黎滑嘟嘟而且超有好彈牙有嚼勁。

麵上仲有炸紫菜和大量乾蒜,木耳,椒鹽,莞茜,記得攪拌所有材料醬料先好食。炸紫菜脆卜卜,好似食緊小老闆咁,但又冇油膩感!

因為麵身寛闊既關係,伴麵既湯汁好容易就掛到麵條上,沾滿香辣醬汁既BIANGBIANG麵食落特別惹味。大中小辣至無辣仼君選擇,如果唔食得辣記住就住嚟嗌喇。(鍾意食辣朋友表示嗌中辣都覺得一啲都唔辣)

我揀左羊肉餃做餸,每碗只有三隻餃子,麵量亦不多,男仔食可能唔夠飽肚。餃子皮略厚,但羊肉餃都有鮮味同足夠既羊羶味,尚算可以。
題外話/補充資料: 呢間餐廳唔好之處係佢唔提供茶水,佢嘅食物又辣又惹味,變相焗你叫嘢飲,香港地,待客之道就冇乜喇。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食