香港608冰室 (青山道) (已結業)

前日諗住玩桌遊之前去食啲嘢填下個肚，咁D2 Place嗰邊啲嘢都食過晒，而且我嗰間桌遊店就喺608冰室附近，見佢出邊裝修格局都好似老字號咁，諗住經營咗咁耐應該都唔差啦！咁我同朋友就叫咗個唔同嘅午餐，我叫咗個魚香茄子飯，佢叫咗個紅酒茄牛脷意粉，佢飲熱檸水，我就叫咗杯凍檸茶，啲嘢都算嚟得快，10零分鐘就到晒。其實預咗佢呢啲地方唔會食到啲咩好嘢，但就諗住性價比會高啲，可惜真係質素都幾差，杯凍檸茶有啲黑色嘅灰係上邊，所以我換咗一杯，而個茄子汁非常之鹹，我問我朋友食嗰個意粉點樣，佢都話好難食。