肉餅哥小炒料理 (已結業)

朋友推薦荃灣肉餅哥，價錢便宜，味道不錯。今日與細妹係荃灣行街，順便嘗試一下。係荃新天地出發，約8分鐘就到餐廳。餐廳門牌大大隻肉餅哥字牌，位置都方便到達。於6點半人流不算高，不用排隊便有坐位。於用餐時，留意到不少顧客選擇外賣，難怪朋友表示肉餅哥是無飯家庭的恩物。足三两花膠肉餅相片可見，食物如其名，足三两！！超厚的花膠，接近我手掌厚度，啖啖花膠，口感棉棉，好似食緊骨膠原，誠意推薦給女仔。於花膠底，還有肉餅，對女仔黎話，份量十足，建議搵朋友一齊食，再另叫小食。鮮味蟹粉肉餅肉餅上舖上一大堆蟹粉，蟹粉帶鹹，不用醬油都已經夠味道。肉餅口感不會乾，每啖肉都保存肉汁。我地叫左可樂同檸檬茶，始終肉餅帶點肥膩感，配合有碳酸的可樂或檸檬茶均可以消滯。