酒泉日本料理 (已結業)

今日同主子5點半收工就黎酒泉食下午茶, 因為好抵食既關係, 所以絕對要一試再試, 閒日就去到7點, 假期就去到6點, 我地叫左一人前蟹籽沙律, 唔洗20蚊大大碗, 都抵, 又叫左帶子松葉蟹同大赤貝刺身,帶子原隻上, 刺身感覺都唔錯, 仲有燒三文魚頭, 大件抵食, 有鹽味, 都不過不失啦…海蝦天婦羅我比較喜歡, 5隻大蝦, 即叫即整, 有咬口夠好味,至於鹽燒牛舌串賣相就真係好大件, 但食落就差啲, 咬口欠奉, 而已仲有渣, 有改善空間, 不過我相信如果要食大件抵食既日本野, 真係非元朗莫屬.