12
4
2
等級4
2020-03-01 2187 瀏覽
趁得間,兩個美孚友約出嚟食晏,有兩間餐廳都未試過:Cafe 82及新上海餐廳,俾咗老友夏總揀,佢就喜歡Cafe 82多啲,佢話之前嚟食過晚飯,覺得質素唔錯,咁就先到先搵位啦。其實Cafe 82已開咗一段日子,不過,小弟就仲未嚟幫襯過。餐廳嘅格局算喺四四正正,裝修簡約,水泥牆身,金屬餐枱,主色調為黑色,但就唔似玩咩工業風呀、文青風呀之類。午餐選擇一個小餐牌睇晒,一共6款,定價$65-$128,包餐湯及餐飲,有留意左下角細字,就知午餐餐牌每星期轉款。雖然唔使加一服務費,但算起嚟個起錶價都唔喺平。餐具、餐巾放晒晌枱上,自己招呼自己,就連水都要叫到先俾,都好嘅,環保啲嘛。雜菜忌廉湯餐牌就寫是日餐湯,送到上枱,侍應就介紹喺「雜菜忌廉湯」,不過,點睇都似只喺雜菜湯,唔太覺有加入「忌廉」成份,因為飲落嘅質感比較水,但味道都OK嘅,帶點清爽嘅酸香。香茅豬扒飯配蔥油汁 $65夏總就要咗香茅豬扒飯,喺就喺比起去茶記食同一款碟頭飯貴1/3,但佢話確喺有質素嘅。除咗豬扒嘅份量俾到足之外,而且,炸得甘香,豬扒嘅肉質夠鬆化,又夠晒香茅味,沾沾蔥油,更有畫龍點睛之效。蕃茄忌廉汁蜆肉意大利飯 $68本來都想試試個南瓜
更多
趁得間,兩個美孚友約出嚟食晏,有兩間餐廳都未試過:Cafe 82及新上海餐廳,俾咗老友夏總揀,佢就喜歡Cafe 82多啲,佢話之前嚟食過晚飯,覺得質素唔錯,咁就先到先搵位啦
。其實Cafe 82已開咗一段日子,不過,小弟就仲未嚟幫襯過。
19 瀏覽
0 讚好
0 留言
餐廳嘅格局算喺四四正正,裝修簡約,水泥牆身,金屬餐枱,主色調為黑色,但就唔似玩咩工業風呀、文青風呀之類。
24 瀏覽
0 讚好
0 留言
18 瀏覽
0 讚好
0 留言
午餐選擇一個小餐牌睇晒,一共6款,定價$65-$128,包餐湯及餐飲,有留意左下角細字,就知午餐餐牌每星期轉款。雖然唔使加一服務費,但算起嚟個起錶價都唔喺平。
60 瀏覽
0 讚好
0 留言
餐具、餐巾放晒晌枱上,自己招呼自己,就連水都要叫到先俾,都好嘅,環保啲嘛。
17 瀏覽
0 讚好
0 留言
雜菜忌廉湯

餐牌就寫是日餐湯,送到上枱,侍應就介紹喺「雜菜忌廉湯」,不過,點睇都似只喺雜菜湯,唔太覺有加入「忌廉」成份,因為飲落嘅質感比較水,但味道都OK嘅,帶點清爽嘅酸香。
雜菜忌廉湯
8 瀏覽
0 讚好
0 留言
香茅豬扒飯配蔥油汁 $65

夏總就要咗香茅豬扒飯,喺就喺比起去茶記食同一款碟頭飯貴1/3,但佢話確喺有質素嘅。除咗豬扒嘅份量俾到足之外,而且,炸得甘香,豬扒嘅肉質夠鬆化,又夠晒香茅味,沾沾蔥油,更有畫龍點睛之效。
香茅豬扒飯配蔥油汁
$65
6 瀏覽
0 讚好
0 留言
蕃茄忌廉汁蜆肉意大利飯 $68

本來都想試試個南瓜汁意大利麵,不過,配煙肉好肉普通咗啲,最終都喺要呢道意大利飯,因為較難做得出色。入口熱辣辣,證明喺新鮮製作,飯粒濕潤而咬口,煮得幾好,突出到意大利飯嘅個性;個蕃茄汁底亦酸香細膩,唔會太嗆喉,但啲蜆肉就唔多肥大,普普通通咁,整體都算OK啦。
蕃茄忌廉汁蜆肉意大利飯
$68
6 瀏覽
0 讚好
0 留言
蕃茄忌廉汁蜆肉意大利飯
6 瀏覽
0 讚好
0 留言
即磨咖啡

雖然呢度喺西餐格局,但隻茶杯就茶記「士呔老」,杯咖啡特別就無特別架喇,醇香味又稱唔上突出,奶味偏重,個人嚟講喺普通質素。題外話,改凍飲都唔需要額外加錢,所以,夏總就要咗杯凍檸茶。
即磨咖啡
4 瀏覽
0 讚好
0 留言
之前都睇過佢啲早餐評,好似麻麻哋,不過,嚟到食晏,質素又幾唔錯喎。招呼就只喺做番足基本嘢,無話好好,亦無話有咩甩漏,再者,其實上菜以外,都無咩特別服務提供到,哈哈!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$68 (午餐)