樂園 (已搬遷) 新店位置

一向好鍾意美少女戰士嘅我真係好開心，可以食到今次嘅下午茶！以$398，2個人食下午茶嘅樓上cafe黎講，黎間已經算系唔錯。如果有朋友一齊黎，仲可以一齊望board game，有三國殺，層層疊等等。甜品同小食放得十分精緻，食物來到之後，店員就叫我地最好食🍄芝士焗有機鮮菇同埋🍨愛心特色雪糕🍨先，因為菇係熱嘅，攤凍就唔係幾好食，而雪糕就因為會快溶所以就叫我地快D 食。 🍤蝦蝦笑廚師沙律🥗亦都好好食，沙拉淋上芝麻醬，再加上已經剝好殼嘅蝦肉係一個好fresh嘅salad。 🌙月亮蜂蜜迷你窩夫🥞嘅分量就剛剛好，不會太多，窩夫個邊好脆，幾好食，不會太甜。cafe 裡面嘅貓貓有2隻，一隻灰色，一隻白色，可以同佢地玩，一齊影相都好肯望鏡頭。