京饌 (已結業)

有朋友生日，梗係食番餐好嫁啦。昨晚約埋幾個朋友一齊尼到觀塘APM京饌共聚晚餐。這裏環境唔錯，坐得都舒服，但因為我哋坐嘅位置係對著張清朝美女畫像，佢好似在實我哋食嘢咁，感覺有啲怪。醉鴨舌 （$118）鴨舌肉質夠爽，沒有腥味，食落還感到一陣陣濃烈的花雕酒香味滿佈在口腔裏。香露醉雞 （$98）雞肉夠滑，浸在濃濃的玫瑰露酒裏，散發著酒香的味道，但可惜食落感覺欠缺了雞味。陳醋餚肉 （$95）肉質夠冧夠滑，食落有少許咸香味，再點上薑絲醋汁，提升了這道菜的味道。雞絲粉皮 （$88）甜甜酸酸的胡麻醬佈滿在雞絲粉皮和青瓜絲上，粉皮又冧又滑，再配搭上雞絲和青瓜絲，令人胃口大開。黃袍北京填鴨 （$300半隻）熱辣辣的粉皮再加上蔬菜配料和醬汁包裹著一塊塊的北京填鴨，食落不會覺得肥膩，咬落還有微微的肉汁香味滲出，滋味無窮。咸蛋鍋巴 （$88 6件）鍋巴上舖滿了起沙的咸蛋黃醬，咬落十分脆口，且有著濃郁的咸蛋黃香味，一試難忘。嫩雞煨麵 （$88）喜歡食比較冧身嘅麵的我，當然會喜歡這道菜，麵煮得又冧又滑，湯亦十分清甜，再加上雞絲和蔬菜粒，豐富了這道菜的口感。