甜牙牙

營業中

休息中

無論小朋友或大人都鍾意食既甜品，行經旺角心思思同朋友去左旺角廣華街呢間甜品店, 甜品種類繁多。我地叫左朱古力心太軟、朱古力窩夫Party同朱古力鬆餅一齊分享黎食😋朱古力心太軟係由香濃的朱古力蛋糕加上流心的朱古力漿，一刀切落去既時候，裏面既朱古力漿會流出黎，好似火山熔岩咁，熱騰騰的口感再配上一球冰凍的雪糕、士多啤梨既裝飾，實在令人非常滿足。朱古力窩夫Party既朱古力味道濃郁，窩夫外脆、內裏香軟，配合埋雪糕，一凍一熱口感非常好食。朱古力鬆餅非常鬆軟，配上忌廉、朱古力同棉花糖，忍唔住一啖一啖咁食唔停口。朱古力係唔少人都鍾意食既甜點零食，香甜滋味有種魔力令人開心。