咖啡灣 (粉嶺中心) (已結業)

喺粉嶺中心行行吓，打算同小朋友一齊坐低食個下午茶。於是就去咗一樓嘅Swan Cafe。因為喺佢門口見到餐牌上嘅嘢好啱小朋友，尤其係個雪糕加多士，小朋友門口見到已經想食。嚟到嘅時候同餐牌一樣咁靚，配上棉花糖、cream 、水果，真係好睇又好食。我哋仲叫咗紅豆冰、熱狗、炸薯條等食物。店裏面嘅經理同侍應妹妹，服務都非常之熱心同埋友善。見到我哋有小朋友，安排座位嘅時候都有刻意多加照顧，非常細心。味道同服務都唔錯，值得再去。