影片
更多
2010-11-10
住左南區多年，經常都揸車出外面搵好野食。最近去香港仔中心探朋友，聽個friend講中心商場新開左間泰國餐廳 – 泰一，於是就決定去試下菜，估唔到有真係有d驚喜。講真初頭係鋪頭出面見咁多人等位都有d唔耐煩，但個心又想試新野，終於等左近大半個鐘之後有位。坐底無耐，睇菜牌選菜，第1個感覺係呢間餐廳除了傳統泰國菜式以外，仲有其他創意泰菜，感覺有新意，於是一行3人柯打左以下幾款菜，睇下呢間以長頸鹿為裝修賣點的餐廳除左個look ok外，食物又得唔得先……1.咸肉炒椰菜苗其實炒椰菜苗就無咩特別，但此間除左可選擇傳統咸魚來炒外，更可用咸肉(即燒臘店的燒肉)來炒，效果比想像中配合。首先，咸肉的肥瘦程度尚算適中，只是外皮不脆，味道咸得來夠惹味，口感比咸魚更佳，配合炒香的椰菜苗一併來吃，幾正!2.橫行四方 (咖喱麵包蟹)此間自稱的招牌菜式，但吃後卻覺得不過不失(*可能之前的期望太高)。其實上碟吃後覺得蟹肉都尚算新鮮鮮味，配上黃咖喱汁來炒，其實都叫幾惹味。但失望就係跟上的烘烤大麵包，沒有想像中咁脆口，比較軟身。3.肉碎生菜包本人最愛的其中一款菜式，基本上每次去吃泰國菜都必食。此間的肉碎生菜包的味道幾好，肉碎
住左南區多年，經常都揸車出外面搵好野食。最近去香港仔中心探朋友，聽個friend講中心商場新開左間泰國餐廳 – 泰一，於是就決定去試下菜，估唔到有真係有d驚喜。
講真初頭係鋪頭出面見咁多人等位都有d唔耐煩，但個心又想試新野，終於等左近大半個鐘之後有位。坐底無耐，睇菜牌選菜，第1個感覺係呢間餐廳除了傳統泰國菜式以外，仲有其他創意泰菜，感覺有新意，於是一行3人柯打左以下幾款菜，睇下呢間以長頸鹿為裝修賣點的餐廳除左個look ok外，食物又得唔得先……
1.咸肉炒椰菜苗
其實炒椰菜苗就無咩特別，但此間除左可選擇傳統咸魚來炒外，更可用咸肉(即燒臘店的燒肉)來炒，效果比想像中配合。首先，咸肉的肥瘦程度尚算適中，只是外皮不脆，味道咸得來夠惹味，口感比咸魚更佳，配合炒香的椰菜苗一併來吃，幾正!
2.橫行四方 (咖喱麵包蟹)
此間自稱的招牌菜式，但吃後卻覺得不過不失(*可能之前的期望太高)。其實
上碟吃後覺得蟹肉都尚算新鮮鮮味，配上黃咖喱汁來炒，其實都叫幾惹味。但失望就係跟上的烘烤大麵包，沒有想像中咁脆口，比較軟身。
3.肉碎生菜包
本人最愛的其中一款菜式，基本上每次去吃泰國菜都必食。此間的肉碎生菜包的味道幾好，肉碎炒得很香口惹味，辣度亦叫適中，要挑剔的只是跟上的生菜片切得太大塊，較難包著肉碎一併來吃。
4.蝦羔炒飯
最後來的是蝦羔炒飯，上檯時已聞到蝦羔味，抵讚!吃後覺得好夠蝦羔味，好平均，只是飯底炒起來略嫌不夠乾身。若改善埋呢方面就更好!
吃完埋單3百幾元，每人都係百幾，以咁樣的裝修來說，都叫幾抵食!
張貼