一種係什麼點心包點店.
另一種係古早味蛋糕店.
有次同朋友講開古早味蛋糕,佢推介我返長洲老家食郭錦記嘅斑蘭蛋糕!
又平又抵又好味!
佢重話每次入長洲必買.
於是託朋友買嚟試試.
當年住長洲,都無幫襯過,反過嚟要朋友推介,真失禮.
除咗斑蘭蛋糕之外,朋友重左執執右買買,買咗一堆!
想話俾翻錢,朋友話由佢啦,有限錢喎.....
真係多謝哂! m(_ _)m
斑蘭味係點?講真我真係唔知,甚至連坊間嘅古早味蛋糕都未食過,但郭錦記嘅斑蘭蛋糕夠軟熟,入口仍有少少質感,唔會好似其他蛋糕噤食空氣.
佢又唔似嘉頓d蛋糕單單得一個甜味,而打開個盒已經香味撲鼻.
相比起斑蘭蛋糕,我較中意蛋圈,最大原因係內藏忌廉,令口感更豐富.
其實.... 我食一件細細件已經足夠,如果買坊間果d古早味蛋糕,半份都嫌多.
最後.... 朋友果然無介紹錯! 長洲又多一種美食!
