更多
2021-06-17
1180 瀏覽
疫情又再緩和，就稍稍再鬆少少啲社交接觸，約咗個好耐無見、住晌長沙灣嘅親友短聚，食餐便飯，地點就番佢，所以，就揀嚟咗「皇后冰廳」，我就無乜所謂，反正未食過就仲好啦，親友就話唔錯。再者，就晌地鐵出口，亦都方便我，食完搭兩個站就返到美孚喇。初頭，睇個名見佢叫冰廳，以為喺茶記，但嚟到，睇個門面就唔多似，而入到餐廳內，感覺唔錯喎，一室燈光柔和，掛了盞大嘅水晶燈，雲石餐枱，配以絨面梳化椅，裝修可以講幾有格調。個人喺嫌啲隔板比較矮，防疫效果有限，除此，整個場感覺幾好。翻一翻餐牌，都有好多選擇，因為一大本餐牌，就順便影埋早餐俾大家參考。而其他大類分項，有小食、意大利麵、漢堡、薄餅、各式飲品。此外，亦有啲抵食嘅薄餅優惠套餐及超值二人餐，都喺百幾蚊，唔過兩嚿，仲唔收加一服務費添。最後，我哋平平哋、簡簡單單揀咗個超值二人餐，包咗一客小食、一客主菜、兩杯餐飲及甜點，定價$148-$188，覺得性價比高。芝士煙肉焗青口（套餐）先嚟個小食，而個芝士煙肉焗青口睇樣做得唔錯喎，面層嘅白汁芝士幾香，拉到一絲絲，但唔會太杰身，而混了少少煙肉，加添幾分鹹香味，當然，青口就唔期望咩超靚貨色，但至少唔會食落韌到好似擦紙膠咁。底
初頭，睇個名見佢叫冰廳，以為喺茶記，但嚟到，睇個門面就唔多似，而入到餐廳內，感覺唔錯喎，一室燈光柔和，掛了盞大嘅水晶燈，雲石餐枱，配以絨面梳化椅，裝修可以講幾有格調。個人喺嫌啲隔板比較矮，防疫效果有限，除此，整個場感覺幾好。
翻一翻餐牌，都有好多選擇，因為一大本餐牌，就順便影埋早餐俾大家參考。而其他大類分項，有小食、意大利麵、漢堡、薄餅、各式飲品。
此外，亦有啲抵食嘅薄餅優惠套餐及超值二人餐，都喺百幾蚊，唔過兩嚿，仲唔收加一服務費添。最後，我哋平平哋、簡簡單單揀咗個超值二人餐，包咗一客小食、一客主菜、兩杯餐飲及甜點，定價$148-$188，覺得性價比高。
芝士煙肉焗青口（套餐）先嚟個小食，而個芝士煙肉焗青口睇樣做得唔錯喎，面層嘅白汁芝士幾香，拉到一絲絲，但唔會太杰身，而混了少少煙肉，加添幾分鹹香味，當然，青口就唔期望咩超靚貨色，但至少唔會食落韌到好似擦紙膠咁。底下墊咗好多薯蓉，做得非常軟滑。
千島海鮮薄餅（套餐）$168主菜揀咗個中價款式嘅千島海鮮薄餅，批面勁多料，蝦肉、蟹柳、魷魚、蜆肉、青椒、洋蔥、蘑菇、粟米……等等，口感豐富，絕無欺場；而中間用千島醬做汁底，酸香好食，至於批底就用咗薄身嘅「餅乾」底，非常脆口，尤其喺新鮮出爐即食，就更加無比滋味。
千島海鮮薄餅
16 瀏覽
0 讚好
0 留言
海鹽焦糖朱古力 +$19套餐只包基本飲品，見轉特飲有半價優惠，加上個套餐本身都唔貴，我哋都轉特飲試試。親友就話佢杯海鹽焦糖朱古力唔錯，朱古力味幾濃，入口有陣陣如拖肥嘅焦糖香味，相反，海鹽吊出嘅鹹味就唔太明顯。
芒果奶昔 +$19小弟就要咗杯芒果奶昔，因為出去飲一杯奶昔真喺要幾十蚊。杯奶昔大大杯，都幾香芒果味，當然，做奶昔都只喺雪糕跟牛奶打成，唔會真正用到芒果肉，但感覺都唔錯，質感又幾滑身，涼涼哋，襯薄餅都幾好。
雪糕糯米滋套餐所包嘅甜品只喺雪糕糯米滋而已，不過，只覺得唔夠喉，佢哋都有啲蛋糕供應。是晚嘅雪糕糯米滋喺芝麻口味，睇到包裝紙喺「維記」，當然，喺無驚喜，但又唔太差嘅貨色啦！
餐廳嘅環境幾好，服務都唔錯，感覺侍應好似喺有少少生手，不過，誠懇同禮貌搭夠。
張貼
