美味的泰國菜

營業中

休息中

就係大麥當勞對面，新開嘅過來試下，聽到廚房係度講泰文，未上餸就開始期待。食完之後覺得必點嘅有：正宗泰式烤魚（燒則魚），今餐No.1。烤到層魚皮好乾脆，面頭落佐粗鹽，揭開層魚皮就可以食到入邊勁嫩滑嘅魚肉。魚肚入邊塞佐香茅香料嘅佐料，烤嘅過程中魚肉吸收曬啲香料精華，所以魚肉入口就好香。成條魚都唔細條啊，價位159覺得好實惠。排第二係干炒牛肉寬粉，炒蛋、有花菜西蘭花、紅蘿蔔、肉片同寬粉炒一碟，飆住煙上抬，幾咁鑊氣十足啊。其他我地仲點佐冬陰功、芒果糯米飯、龍眼冰、椰汁冰。😆好抵食，下次想食泰國嘢嘅時候再來。