燒夜食堂 (已結業)

平時番工放工都有經過，見佢新開喺順寧道果頭，野食係串燒為主，琴晚同同事就黎左食宵夜。入到黎見到地方不大，和風style,冷氣好夠，坐得都舒服。除左串燒，仲有烏冬拉麵果d。吉列炸蝦 $32擺得幾靚，炸到金黃色，一咬炸皮超脆，隻蝦都爽口，正呀！原條燒牛肋骨 $108好大件呀！即叫即整哩個需要等耐少少，會起埋肉我地食得好方便，啖啖肉幾juicy,我同事好中意食牛，佢話哩個牛肋骨整得唔錯。鮮魚湯烏冬 $52我就叫左哩碗烏冬食，夜晚中意食湯麵先夠飽，好大碗先$52，平過出面d拉麵。個湯底鮮味，配埋麻油好香呀碗烏冬。烏冬好滑彈牙，隻流心蛋好好味。仲有蘿蔔好甜吸入湯汁，精華黎嫁！燒菠蘿 $28菠蘿超甜，冇一舊係酸，超正！下次再帶其他同事黎食先。