源味開元米線 (已結業)

長沙灣好推介，唔使返大陸長沙灣都食到好烤魚。 今日經過長沙灣見到間米線舖新開張 ，當然要入去試一試佢 。入到去先發現原來是一間非一般的米線店。 入邊唔單止有米先線仲有烤魚同雞煲。 呢排食得太多肉所以嗌條烤魚試一試佢， 老闆仲同我哋講呢度嘅嘢食 ，用咗好多心機去整 用埋正宗四川香料炮製 。講到咁梗係必試， 我哋嗌咗條海鱸魚用酸菜煮， 魚先煎封再在盤上煮， 上邊有薯仔豆腐酸菜等等。薯仔切條非常入味而且住得夠淋，令我食唔停口， 跟住食主角海鱸魚，魚肉結實非常新鮮。 加上煎封嘅做法加上酸菜，真係好夾。 至於配料我哋嗌咗手工麵， 原來呢度嘅手工麵大有來頭，係每晚 由拉麵大師傅即場打造 ，食落口感非常特別，絕非 一般交貨。絕對要試，另外我哋嗌咗小食麻辣肺片， 肺片夠麻夠辣 想食正宗四川味道絕對要試。另外是飲咗呢度嘅百香果，唔太酸亦唔太甜。味道剛剛好非常解渴。而且充滿咗百香果粒，老闆日同我講呢度嘅嘢飲喺佢哋即場新鮮打造。 喺出面飲唔到。係呢度一定要試。最後我地又飽住走，滿足的一餐。