和氣食堂 (黃大仙中心南館)

營業中

休息中

和氣食堂 (黃大仙中心) (黃大仙).呢到係男朋友成日好喜歡食，男朋友成日上黎我屋企食飯，今日帶埋我屋企人黎試下佢喜歡食嘅餐廳.🔹海膽刺身盛🔹.呢到嘅刺身好抵食，二百零蚊已經有幾款刺身，當初包括我屋企人鍾意食嘅三文魚🍣一版海膽，肥美嘅帶子以及大蝦，刺身每款三件.🔹火焰左口魚邊牛油果沙律🥑🔹.左口魚好好食，油脂香，上面仲有啲黑松露，成個沙律唔係清新而係比較香.🔹白咖哩烏冬🔹.呢度都係呢度嘅主打菜式之一，雪白嘅忌廉覆蓋係面，然後一撈起係金黃嘅咖哩汁烏冬，少膩但好creamy.🔹黑豚肩燒丼🔹.呢個飯我地四人一致讚好，唯一係個汁唔夠多，但黑豚薄片好惗身入味，加上好多葱，好食！.🔹照燒魷魚筒🦑🔹.爸爸開頭望落覺得好似好韌，但食落完全唔會，汁燒夠香.🔹泡菜黑豚腩鍋🔹.呢個好好食，個底有粉絲同埋有大量嘅娃娃菜，泡菜湯索曬係啲配料到，入面有豚肉片，泡菜冬菇豆腐等，唔會好清淡，少少惹味得黎感覺又多菜健康啲🔹糯米池紅豆宇治抹茶雪糕🍦🍵🔹.呢度有好多招牌甜品，主要都係以宇治抹茶為主，都鍾意個宇治抹茶再加上牛奶雪糕，側邊仲有煙人嘅糯米糍同埋勁甜嘅紅豆，抹茶推紅豆真係一個絕配，紅豆嘅甜中和左抹茶嘅苦澀—————