影片
更多
2014-10-28
5265 瀏覽
十月中旬，OpenRice同Casio搞咗個美食攝影班，非常幸運地XO仔同K哥哥都有份參與。深知XO少過海，踏入旺角區域感覺會有所迷失及缺乏安全感，K哥哥好有心地相約細路喺旺角地鐡站見面，一齊食少少野，再赴攝影班會場。意外地，旺角週日中午時段，街道靜寂無人，食肆及商店大多都未開舖，眼見原意想去嗰間餐廳仲有成個鐘先開門，K哥哥就臨時揀咗一家喺攝影班會場附近o既「丼丼屋」度食個簡單午餐。喺二樓o既丼丼屋，同香港一般o既日本料理格局差唔多，裝修包括牆身、餐桌、椅櫈、屏風等都以木為主，簡潔整齊。門口直望入去就係廚房，圍住廚房係一橫排o既矮吧位，左手邊大部份都係四人散座，右手再入o既散座多為半卡位式，亦係我地二人被安排入座o既位置，因卡位有較多空間擺放隨身物，應為餐廳內最舒服之座位。入座不久，服務生隨即送上開水及餐牌，雖然我兩遲遲未決定食乜，但工作人員都冇催促過，亦冇黑面，感覺良好。剛剛食完早餐冇耐，個肚唔係咁餓，我地就叫咗一客鎮店菜式「十勝帶廣名物豚丼」黎分，上完攝影班如果見餓先走去食甜品。真係估唔到小小一間丼丼屋居然咁有文化，提供筷子製造商公認為最好揸o既五角形筷子，小肥未食已經暗地裡加分，
意外地，旺角週日中午時段，街道靜寂無人，食肆及商店大多都未開舖，眼見原意想去嗰間餐廳仲有成個鐘先開門，K哥哥就臨時揀咗一家喺攝影班會場附近o既「丼丼屋」度食個簡單午餐。
喺二樓o既丼丼屋，同香港一般o既日本料理格局差唔多，裝修包括牆身、餐桌、椅櫈、屏風等都以木為主，簡潔整齊。門口直望入去就係廚房，圍住廚房係一橫排o既矮吧位，左手邊大部份都係四人散座，右手再入o既散座多為半卡位式，亦係我地二人被安排入座o既位置，因卡位有較多空間擺放隨身物，應為餐廳內最舒服之座位。入座不久，服務生隨即送上開水及餐牌，雖然我兩遲遲未決定食乜，但工作人員都冇催促過，亦冇黑面，感覺良好。
剛剛食完早餐冇耐，個肚唔係咁餓，我地就叫咗一客鎮店菜式「十勝帶廣名物豚丼」黎分，上完攝影班如果見餓先走去食甜品。
真係估唔到小小一間丼丼屋居然咁有文化，提供筷子製造商公認為最好揸o既五角形筷子，小肥未食已經暗地裡加分，亦不忘與K哥哥分享「大肥爸爸與五角形筷子」的故事。
十勝帶廣名物豚丼（特盛$108；並盛$88）：K哥哥話，此丼物去年為限定之推介食品，估唔到咁成功，現更被例入於餐牌內成為主打食品之一。既然咁巴閉，XO仔當然要試吓啦！「特盛」版有六塊豚肉，而「並盛」則只有四塊，我地兩個人分，好自然地就叫咗客「特盛」。豚丼面層o既六塊豚肉爽脆野味，但係小肥略嫌佢油膩，而且唔夠熱辣辣；底層o既飯粒軟熟，香甜o既醬油份量足，但就同面層o既豚肉一樣唔夠滾熱辣，欠缺咗一份暖胃感。
如果豚肉當真來自日本，咁價錢都尚算合理。
張貼
