雖然間鋪唔算好大，不過有得擺個袋喺個籃入邊，都坐得幾舒服！我哋係9:30pm 後食所以每人都係$128，堂食放題就任食另收加一。佢有勁多串燒嘅款可以揀，不過每一輪都要揀辣度，小辣嘅話就成碟都係小辣。首先第一輪梗係要試吓佢個泡椒肥牛、麻辣牛肉、豬皮、雞翼尖、花枝丸、鴨舌、魚片頭
勁多四川地道嘅嘢食，我嗰個泡椒肥牛整得好好食，不過唔識得辣嘅朋友就要嗌定杯嘢飲先啦
第二輪就梗係要叫啲菜同埋瓜食下，冇咁油膩呀嘛！
我不嬲都係鍾意食菜嘅人所以我覺得好好食呀，啲素嘅串燒，好入味啊！最好食嘅我覺得就係魷魚🦑冬菇、娃娃菜、蓮藕，蓮藕整得好出色薄薄地一片咁樣但係又好爽口
另外，冬瓜、薯仔🥔同萵筍都好好味最唔少得嘅就係魔芋！
仲有好多風味小食都係任食，我哋就食咗香辣無骨鳳爪、滷水雞翼尖、同埋棒棒雞（即係青瓜伴雞絲）全部都係涼拌，辣辣地好過癮好開胃
嘢飲我哋就叫咗菊花茶、好耐冇飲過嘅椰汁🥥，同埋無糖可口可樂。咁梗係每人至少飲兩杯先得啦，椰汁用嚟解辣係一流呀！
