食物有好多選擇 啱晒我咩都想食
伴酒小食、沙律、刺身、壽司、卷物、磯燒、串燒、燒物、炒物、炸物、煮物、天婦羅、湯、麵類、飯類
仲有多款日本酒可以選擇 🥃
🐟蔥吞拿魚卷
吞拿魚好鮮嫩 加咗蔥味道更好食
串燒
✨免治雞肉棒串
雞肉棒口感豐富 肉味好香 點埋日本蛋更香滑
✨鵪鶉蛋煙肉卷
煙肉燒到乾身 唔肥膩 配鵪鶉蛋味道好夾
✨豚肉蘆筍卷串
豚肉片包住蘆筍 蘆筍可以中和豚肉嘅油膩感
✨牛舌串燒
厚切成一口牛舌 肉質軟淋 又有油香 可以點芥末醬一齊食
✨燒牛油蒜蓉帶子
帶子燒得啱啱好 肉質軟滑 牛油蒜蓉味好突出
✨燒芝士年糕
私心每次都要叫 好鍾意食軟滑得來有煙韌嘅口感
🥚明太子厚燒玉子
厚蛋中間包住好多明太子
厚蛋好香滑 明太子好惹味 推薦
🍤什錦天婦羅
有三隻炸蝦、冬菇、青椒、番薯、南瓜
外皮炸得好薄 外脆內軟
香脆之餘有保留到蔬菜嘅清甜
可以點白蘿蔔蓉汁冇咁熱氣
🦀蟹肉釜飯
一打開就見到好多蟹肉 上面仲有蟹膏
拌埋飯一齊食 食到蟹肉嘅清甜 又食到蟹膏嘅濃郁鮮味
各款食物都唔錯 會再食ga😋
