訂嗰時西式餐餐單都未出得中餐，到預訂日期前幾日先出餐單，隻佬最後揀食西餐。
有個老友放工嚟 join 晚餐，好彩都趕得切未黑晒，可以欣賞吓個海景 😍
由一班小朋友 serve 都有小小蝦碌，介紹佢哋自制特飲都幾攪笑，我哋每人 order 咗一杯，味道都唔錯，事後導師話佢哋研究咗好耐先整到個香茅糖漿 👍熱天飲好舒服。
3 款頭盤試咗 2 款，個人比較喜歡西瓜嗰款，燒完仲好清甜，唔孤寒嘅芝士 🤣🤣🤣
餐湯係凍磨菇湯，啱晒咁熱嘅天氣。
3 個人試晒 3 款主菜，雞胸肉可以煮到一啲都唔鞋，比出面餐廳出色，銀雪魚好清香，估佢唔到個木瓜大蝦咖哩好好味，不過食完主菜好似未飽咁 😅😅
上埋甜品，之前已請餐廳幫我喺隻佬份甜品上加個生日朱古力牌，點知係成班學員一齊圍住唱生日歌 💖💖💖 餐廳其他客人都拍手打拍子，加埋杯咖啡就飽晒，成個晚餐好 perfect 🥰🥰
餐飽食唔晒，好喎心咁問我哋要唔要打包，但杯特飲我未飲晒，問都無問就收咗我 🤣🤣🤣 都有小小改進空間。
事後先知原來西餐係不定時供應，一兩個月先一次，所以試到都算好彩 😊
事後送朋友去搭車，撞到班放學嘅小朋友，打打鬧鬧戲笑住咁走，都好欣賞佢哋提供服務時嘅專業。
2
1
1
