鮮蒲 (已結業)

黎過呢間餐廳無數次，連店員都話認得我。無計，我對呢間既錫紙貝殻粉絲真係情有獨鍾，雖然間鋪遠左小小，係黃埔地鐵站行過黎都差唔多十分鐘，但我都照樣成日捉住啲朋友過黎食🙌🏻呢黎到度咁多次，都係嗌錫紙貝殼粉絲，特別推薦清香辣。唔想食粉絲，仲有沙河粉，河源米粉同湖南米粉任均選擇，每種粉麵都有唔同嘅口感。上枱時會用錫紙包好。入面本身已經有埋沙白，茶樹菇，木耳同生菜，可以按返自己嘅喜好再加餸。我今次就嗌左蟹棒同墨汁墨魚丸。墨汁墨魚丸爽口彈牙，入面仲有粒粒墨魚。湖南米粉似米線，不過較粗身，有口感。我自己就鐘意河源米粉，比較碎身，質感似公仔麵。一碗入面有好多粒沙白，超足料👍🏻而且係一粒沙都無，乾淨程度滿分。食落去充滿鮮味，配埋個湯底一齊食就更正。呢度既小食都係好正，手拍青瓜爽口清新，土豆絲吸收曬啲辣汁，好惹味🙋🏻‍♀️豆漿蘭香籽豆味濃，入面有一粒粒蘭香籽，口感豐富，推薦！