投鮮食 (已結業)

其實每次我去Moko 都會經過呢一間小店，但就從來未食過。今日約左去整指甲但又好肚餓未食野，又唔想入餐廳食咁耐，所以打算係度叫一啲嘢食喺度食。佢出面有一張枱， 可以畀大家喺出面企喺度食， 本身我都諗住係到拿拿聲食，點知買完嘢食出嚟已經見到有人企咗喺度，咁唯有拎上去整腳甲嘅時候食。我叫左 鰻魚炒飯$50 + $18薄荷朱古力幼沙個外賣紙盒望落唔算特別大，但一打開係超級有份量，而已D飯好紮實。面頭有一大篤蟹子，紫色絲，賣相都還吸引。然後粒粒飯都畀燒汁包為住，夠哂入味。 鰻魚粒雖然張相睇唔出，但係你每食兩口都會食到有鰻魚粒👍 入邊仲有啲豆豆粟米粒，增加口感。 由於太惹味所以我竟然成盒食哂。呢杯薄荷朱古力幼沙比想像中大杯，入口好香薄荷朱古力，總點係唔會好甜👍即刻無咁罪惡感。 好多朱古力碎碎💖 呢杯野唔駛10分鐘我就飲哂👍其實我見佢哋間舖都有好多炸嘅小食， 望落都好似幾吸引，下次經過嘅話都想試下。