更多
2008-10-20
12 瀏覽
上個星期五下午，公司offsite meeting，地點喺銅鑼灣...所以我一早就約咗幾位至友同事去豚組食個晏。 大概12:45左右到達，間舖頭都係得幾張枱有客.....帶位小姐俾咗一張包廂枱，好好feel!! 嗱嗱淋order咗3個吉列炸蝦拼豬柳定食，1個吉列海鰻拼豬扒定食同2個吉列炸蠔拼豬扒定食.....大概三至四個字之後啲食物陸續上枱啦~~ 逐一講吓啦... 食物:吉列炸蠔拼豬扒 - 個豬扒就好香，好juicy，肥瘦適中。個炸蠔好新鮮，好juicy，好香蠔味。 吉列海鰻拼豬扒 - 個海鰻又香又軟，ICHIBAN。個豬扒都keep到，不過其他同事就話好似比較乾，都係有啲參差不齊.... 吉列炸蝦拼豬柳定食 - 個蝦水準有參差，因為跟set有成3大隻，我哋叫咗3個，所以我食多咗半隻。我食第1隻就好好味，隻蝦仲好彈牙，但係之後嗰隻就有啲霉霉哋，其他人都有同感。個豬柳....本來一心諗住會比豬扒好食，點之又嚡又硬又乾...係成餐最差嘅一樣。跟set有白飯一碗，漬物同麵豉湯。初時都驚一碗白飯我會唔夠飽，因為大家都會覺得日本飯碗都幾細吓，點知碗原來都幾大碗喎，食得晒都好飽，飯味都好甘甜，唔錯
大概12:45左右到達，間舖頭都係得幾張枱有客.....帶位小姐俾咗一張包廂枱，好好feel!!
嗱嗱淋order咗3個吉列炸蝦拼豬柳定食，1個吉列海鰻拼豬扒定食同2個吉列炸蠔拼豬扒定食.....大概三至四個字之後啲食物陸續上枱啦~~
逐一講吓啦...
食物:
吉列炸蠔拼豬扒 - 個豬扒就好香，好juicy，肥瘦適中。個炸蠔好新鮮，好juicy，好香蠔味。
吉列海鰻拼豬扒 - 個海鰻又香又軟，ICHIBAN。個豬扒都keep到，不過其他同事就話好似比較乾，都係有啲參差不齊....
吉列炸蝦拼豬柳定食 - 個蝦水準有參差，因為跟set有成3大隻，我哋叫咗3個，所以我食多咗半隻。我食第1隻就好好味，隻蝦仲好彈牙，但係之後嗰隻就有啲霉霉哋，其他人都有同感。個豬柳....本來一心諗住會比豬扒好食，點之又嚡又硬又乾...係成餐最差嘅一樣。
跟set有白飯一碗，漬物同麵豉湯。初時都驚一碗白飯我會唔夠飽，因為大家都會覺得日本飯碗都幾細吓，點知碗原來都幾大碗喎，食得晒都好飽，飯味都好甘甜，唔錯，其他一般水準啦。
總括啲炸物食材好參差，有部份幾好，有啲都真係好麻麻啦~~而且啲吉列都好散吓，一夾起就係咁跌啲粒粒落嚟，而且又係有啲好厚，一啲就適中。椰菜絲切到好粗，口感唔太好。所有今次食嘅食物質素都同Tonkichi 差得遠，不過可以一試，因為佢有啲款式係Tonkichi 冇，我會再試埋先，希望佢有驚喜啦!
服務:
講真service認真麻麻，同我哋落單嗰位男待應，黑口黑面，佢完全冇開過口....好hard feeling囉。跟住叫極都冇人應，其實當日都係得十張枱樓下....男女待應都有成十個以上，不過啲人企埋一邊傾計...藉得一讚就係個帶位小姐，帶位同我哋走嘅時候都好好笑容同好好禮貌咁打招呼。
張貼
