蔦 (已結業)

好耐好耐都冇試過為試新嘢而排隊，只係知道呢間「Tsuta蔦」係日本第一間米芝蓮一星拉麵，諗住試下，琴日先開張試業。排隊就預咗，諗住拉麵應該好快，但係佢地煮麵速度比想像中慢，所以等到食得都要兩個鐘以上。講返個拉麵，有醬油同鹽味，以清新為主打。我叫嘅醬油湯底真係無得頂，加咗松露油提升咗整碗麵嘅香味。亦會想連湯底都喝光，因為我本身對濃烈嘅豬骨湯底食厭咗，所以覺得呢個夠特別，米芝蓮一星實有原因，义燒唔算驚喜但都算滑。而意外地有提供兒童餐具，而鋪面走嘅簡約路線唔錯，但可惜員工做唔到日本拉麵店嘅團隊精神，地道感欠奉。