更多
2016-11-21
1934 瀏覽
前幾日去左好耐冇去嘅銅鑼灣,皆因又係日本百貨公司嘅感謝週,多人到爆炸!行完一陣頂唔順去搵野食,去左一間新開火鍋店,原來9店後宵夜特價部分野食6折,雖然係部分,不過其實除左湯底正價正常火鍋料都係特價架喇。哩間野主打食椰子雞鍋,我就叫左椰子花膠鍋架半隻文昌雞($68+$138)。雖然半隻雞好似幾貴,但真係有雞味,都值得加。如果再想慳d,都可以唔加。花膠成碟另上,份量幾多。先飲湯後打邊,湯勁甜,之後加水都係椰子水。其實佢椰青鍋先最出名,下次試下。我最推介係佢嘅手切牛,大嘅都係$168,佢冇講明但食得出有兩款牛,有瘦d有牛味又有肥d有牛油香。另外推介個醬料,哩度只有豉油,沙薑、辣椒同靑檸,又真係幾夾。另外我只叫左菜同鵝腸,正常。點解叫咁少野因為佢個湯底送個煲仔飯,仲可以自選,叫左臘味飯,一上嚇一跳,成大煲,有臘腸膶腸臘肉,佢2個人都上4-5人份量,幾好食但唔記得影相。最後食唔哂打包左一大盒。食完有西瓜送。星期五晚銅鑼灣都唔滿,皇室堡都應該幾貴租吧,希望可以做落去😅。
前幾日去左好耐冇去嘅銅鑼灣,皆因又係日本百貨公司嘅感謝週,多人到爆炸!
行完一陣頂唔順去搵野食,去左一間新開火鍋店,原來9店後宵夜特價部分野食6折,雖然係部分,不過其實除左湯底正價正常火鍋料都係特價架喇。
哩間野主打食椰子雞鍋,我就叫左椰子花膠鍋架半隻文昌雞($68+$138)。雖然半隻雞好似幾貴,但真係有雞味,都值得加。如果再想慳d,都可以唔加。花膠成碟另上,份量幾多。先飲湯後打邊,湯勁甜,之後加水都係椰子水。其實佢椰青鍋先最出名,下次試下。
我最推介係佢嘅手切牛,大嘅都係$168,佢冇講明但食得出有兩款牛,有瘦d有牛味又有肥d有牛油香。另外推介個醬料,哩度只有豉油,沙薑、辣椒同靑檸,又真係幾夾。
另外我只叫左菜同鵝腸,正常。
點解叫咁少野因為佢個湯底送個煲仔飯,仲可以自選,叫左臘味飯,一上嚇一跳,成大煲,有臘腸膶腸臘肉,佢2個人都上4-5人份量,幾好食但唔記得影相。最後食唔哂打包左一大盒。
食完有西瓜送。
星期五晚銅鑼灣都唔滿,皇室堡都應該幾貴租吧,希望可以做落去😅。
張貼