更多
2014-10-16
2163 瀏覽
呢間餐廳都頗有名氣，朋友從英國來港旅遊要求我訂水月晚飯，我真係要試真有幾吸引！由天后地鐵站一直行約10分鐘，坐落聖保祿醫院附近，呢個天氣沿路都幾舒服，一家只有24個位的小餐廳，裝修簡約，播放輕快音樂，唔會好焗促，感覺幾好由於我地係用whatsapp訂位，所以已經睇哂餐牌，選擇好主菜後開始用餐，同行4人都非常期待炭· 脆露筍配芥末豉油汁一開始已係驚喜鐵架上菜好破格！網底係有rosemary煙燻網上的炸竹炭露荀，旁邊係份子芥末豉油泡，味道非常特別、好味朋友邊食邊飲啤酒($38)激讚,我就飲汽酒($85)都好正！黃金蝦店員介紹係以份子料理方法將中式黃金蝦完全改變形態，攞住蝦尾逐一將食物食哂，我心裡面一邊食一邊笑左出黎，係開心笑如此驚喜之作！難怪朋友英國來港要指定此餐廳！蝦焗到好香脆，廚師將咸蛋黃及咸蛋白以份子形態表達，再加左d櫻花蝦一齊食，保留左中式黃金蝦味道之餘，又將賣相破格，一絕！竹炭鱈魚· 甜粟米波配dill草青檸泡個名好長.....但又係一絕之作。dill草青檸配海鮮本來就係prefect match，變左做泡就更加得意啦~紅色蕃茄莎莎好有蕃茄味，片狀係份子粟米湯啫喱，同個魚一齊食又
由天后地鐵站一直行約10分鐘，坐落聖保祿醫院附近，呢個天氣沿路都幾舒服，一家只有24個位的小餐廳，裝修簡約，播放輕快音樂，唔會好焗促，感覺幾好
由於我地係用whatsapp訂位，所以已經睇哂餐牌，選擇好主菜後開始用餐，同行4人都非常期待
炭· 脆露筍配芥末豉油汁一開始已係驚喜鐵架上菜好破格！網底係有rosemary煙燻網上的炸竹炭露荀，旁邊係份子芥末豉油泡，味道非常特別、好味朋友邊食邊飲啤酒($38)激讚,我就飲汽酒($85)都好正！
黃金蝦店員介紹係以份子料理方法將中式黃金蝦完全改變形態，攞住蝦尾逐一將食物食哂，我心裡面一邊食一邊笑左出黎，係開心笑如此驚喜之作！難怪朋友英國來港要指定此餐廳！
蝦焗到好香脆，廚師將咸蛋黃及咸蛋白以份子形態表達，再加左d櫻花蝦一齊食，保留左中式黃金蝦味道之餘，又將賣相破格，一絕！
竹炭鱈魚· 甜粟米波配dill草青檸泡個名好長.....但又係一絕之作。dill草青檸配海鮮本來就係prefect match，變左做泡就更加得意啦~紅色蕃茄莎莎好有蕃茄味，片狀係份子粟米湯啫喱，同個魚一齊食又好夾。黃色粟米湯波波入口即爆，非常香濃粟米湯填滿我味蕾！呢一道菜裡面有4款食物，互相可以發揮層次對應作用，睇得又食得！絕對係心機菜！朋友已經舉手指大讚
龍吐珠配墨魚汁醬賣相搞笑，但好味程度絕對唔講得笑！外層鮮蝦膠製成，中層係龍眼，核心係鮮飛魚籽，好味及心思程度達5個筷子
鮮蟹粉鱈場蟹鉗豆羹呢個羹我會用"顛"或"痴線"黎形容！
蟹粉及蟹鉗肉非常鮮甜、好似食緊幾隻大閘蟹咁~碗底個豆羹更加係不得了，滑到唔識形容！我建議大家如果食果陣唔好講野，要逐啖享受！
紅莓泡泡
開心到唔記得影相係refresh口腔的一啖泡沫，好清新好好玩～
北海道帶子配蜜糖豉油汁喺北海道食過一次，呢度食味道一樣係鮮甜彈牙！非一般餐廳提供的帶子，咬入口睇到一絲絲帶子肉，好新鮮！
朋友選擇左麻籽烤羊架，同樣特別吸引，下次要試！
芒果熱情果panna cotta· 椰子泡配雲尼拿雪糕糖波淨係睇樣已經吸引紅色波係廚師用糖造成，裡面有好香滑雲尼拿gelato，側面有朱古力碎，白朱古力粉，芒果熱情果panna cotta及椰子泡，又係另一道食物可以發揮味道互融的關係，絕對不能錯過
總結呢餐晚飯，我會係高度評價。今時今日的香港，外出用膳食好少少閒閒地都要4百幾蚊，但食一餐如此用心的晚飯，新鮮食材及驚喜處處，絕對值得呢＄568蚊，甚至可以說是物超所值·
香港用心的小店已經唔多，欣賞此店廚師，努力！
我相信情侶食飯、或者一班人開party呢度都會令大家好開心，好有驚喜，係一個好特別食物旅程。
張貼
