餐廳唔算好大間，有吧枱可睇住師傅整嘢食，有榻榻米座chill住飲酒傾計。記得一定要book位，晚市好快爆！
主打日本各地生蠔🦪唔同產地唔同品種都有
食到中途店員會請全場飲清酒，齊齊為全場訂枱時remark咗生日嘅時候壽星客人乾杯😂仲壽星準備咗閃令令披肩、party眼鏡同生日帽for影相，之後就全場一齊玩包剪揼，贏咗嘅就免費送三文魚籽一大杯😆全店食客玩得開心，氣氛勁好！啱晒慶祝生日！送嗰杯fruit punch大到勁誇張🤣🤣👍🏻👍🏻
🌎6種食法生蠔
生蠔超新鮮，特別推介「6種食法生蠔」，每款醬汁都玩味十足，肥美肉厚，勁鮮甜，大力推介！
🌏10件拼盤壽司
魚生新鮮度爆燈，飯粒微暖帶醋香，每件都啱啱好一啖size。大滿足😌
🌏和牛卡爾帕喬
薄切和牛外層微炙燒，肉色鮮紅、油花靚，入口即化。配洋蔥、蔥花同酸甜醋汁，微酸開胃，超適合做前菜，和牛控必試😍
🌏栃尾油炸豆腐伴魩仔魚
日本新潟縣栃尾出產嘅「栃尾油炸豆腐」係當地有名嘅鄉土名物，特別大塊厚身，用新潟黃豆製作，夠晒地道🇯🇵外脆內軟，口感好夠層次，加埋魩仔魚增添鮮味，組合輕盈唔膩，鹹香啱晒送酒👍🏻
🌏蒜香辣椒牡蠣八爪魚意粉
牡蠣嫩滑，八爪魚彈牙，蒜香加辣椒惹味，帶出海鮮嘅鮮甜，辣度溫和。
🌏冷稻庭烏冬
🌏夾餅紅豆雪糕
夾餅入口脆卜卜，雪糕抹茶味香濃，口感冰凍滑溜，同紅豆完美融合，呢啲咪就係叫有層次😌
單據：
