更多
2023-03-01
1250 瀏覽
朋友之前好幾年前去過北京exchange，最近有點掛住北京菜。最近他發現銅鑼灣有一間主打北京菜，即刻叫埋我一齊去食，以慰佢嘅思念之情。<北京烤鴨半隻> $258嚟得食北京菜，點可以唔叫北京烤鴨，除咗主角烤鴨之外，配料有青瓜、烤鴨醬同埋蔥絲，鴨肉單食已經足夠香口，用薄餅包裹烤鴨肉，再加上青瓜、蔥絲和烤鴨醬醬汁，配料就中和咗鴨肉嘅油膩感，使味道變得清爽。<高湯小籠包> $70/6小籠包size唔算大，正好可以一口一個，皮薄餡靚，點上醋汁、加啲姜絲一同入口剛剛好。<老北京銅鍋涮羊肉> $138（配料額外收費）朋友嫌唔夠喉，於是我哋決定叫埋火鍋，傳統北京銅火鍋一上枱，就見到清澈嘅湯底，清湯底用料簡單，有紅棗、杞子、大蔥、薑、蝦米等，畢竟清湯先能夠突顯出肉嘅質感。特別想提一提火鍋嘅醬汁，分別有辣椒油、腐乳同韭菜花，我哋另外叫多咗個傳統醬料——芝麻醬，侍應同我哋講可以將上面三種醬汁隨個人喜好加入芝麻醬內並攪勻，別有風味。配料種類豐富，肉類分別叫咗寧夏灘羊、魚片同埋雪花肥牛，寧夏灘羊擺盤精緻，肉質呈粉紅色，脂肪並唔算多，放入湯中輕輕灼熟，口感柔軟，比以
<北京烤鴨半隻> $258嚟得食北京菜，點可以唔叫北京烤鴨，除咗主角烤鴨之外，配料有青瓜、烤鴨醬同埋蔥絲，鴨肉單食已經足夠香口，用薄餅包裹烤鴨肉，再加上青瓜、蔥絲和烤鴨醬醬汁，配料就中和咗鴨肉嘅油膩感，使味道變得清爽。
<高湯小籠包> $70/6小籠包size唔算大，正好可以一口一個，皮薄餡靚，點上醋汁、加啲姜絲一同入口剛剛好。
<老北京銅鍋涮羊肉> $138（配料額外收費）朋友嫌唔夠喉，於是我哋決定叫埋火鍋，傳統北京銅火鍋一上枱，就見到清澈嘅湯底，清湯底用料簡單，有紅棗、杞子、大蔥、薑、蝦米等，畢竟清湯先能夠突顯出肉嘅質感。
特別想提一提火鍋嘅醬汁，分別有辣椒油、腐乳同韭菜花，我哋另外叫多咗個傳統醬料——芝麻醬，侍應同我哋講可以將上面三種醬汁隨個人喜好加入芝麻醬內並攪勻，別有風味。配料種類豐富，肉類分別叫咗寧夏灘羊、魚片同埋雪花肥牛，寧夏灘羊擺盤精緻，肉質呈粉紅色，脂肪並唔算多，放入湯中輕輕灼熟，口感柔軟，比以往食過嘅羊肉味更為突出；魚片鮮美滑嫩，值得一叫；雪花肥牛顏色相比羊肉更為深色，薄薄一片好快就淥熟，沾點醬汁同樣不俗。另外亦叫咗唔少木耳、凍豆腐、金針菇、津白、土豆片等蔬菜，蔬菜吸收咗湯底精華，鮮美無比。
張貼
