影片
更多
2015-03-04
6169 瀏覽
泉章居 @銅鑼灣因為我自細就住係銅鑼灣，細細個就成日上去食飯，由佢開起波斯富街利舞台附近既時候已經成日好鐘意食，我細細個已經好鐘意食乜乜乜。到佢高價賣舖結業之後，再搬左去銅鑼灣廣場，到2012被列入米芝蓮精選食肆，一直都係我地一家人最愛既客家菜。農曆新年就係應該同親人食餐飯團團聚。泉章居係一個唔錯既選擇，價廉物美，份量又多。當日係年初四，人真係好多，好彩一早book定位,同親人一齊食餐飯。我地係叫B set，其實我地七個人，最後都係食唔曬。鮑参燴魚翅肚羹(5.5/10)係第一樣食既野，鮮甜，好開胃，魚翅都有幾條既，為泉章居平靚正打牌序幕。黃金脆釀百花球(6.5/10)即係蝦肉球，蝦肉好好食，有香既蝦味。外表炸得金黃香脆，但略嫌有d油，因為要索一索油先上碟，可能人太多，廚房應付唔黎。翡翠黑豚肉花姿(6/10)發財蒜子瑤柱莆(6/10)黑豚肉炒得好香,花姿片亦炒得非常唔錯，好有鑊氣，加上西蘭花，中和下令佢唔會太咸，口感更多層次，唔錯！瑤柱好大粒加上髮菜亦好好食，其實都係拎個意頭發財，不過真係好油下。原隻鮑魚件花菇(5.5/10)以呢個價錢有呢隻size既鮑魚，都算係唔錯，當然味道亦唔錯幾好
泉章居 @銅鑼灣
因為我自細就住係銅鑼灣，細細個就成日上去食飯，由佢開起波斯富街利舞台附近既時候已經成日好鐘意食，我細細個已經好鐘意食乜乜乜。到佢高價賣舖結業之後，再搬左去銅鑼灣廣場，到2012被列入米芝蓮精選食肆，一直都係我地一家人最愛既客家菜。
農曆新年就係應該同親人食餐飯團團聚。泉章居係一個唔錯既選擇，價廉物美，份量又多。
當日係年初四，人真係好多，好彩一早book定位,同親人一齊食餐飯。
我地係叫B set，其實我地七個人，最後都係食唔曬。
鮑参燴魚翅肚羹
153 瀏覽
0 讚好
0 留言
係第一樣食既野，鮮甜，好開胃，魚翅都有幾條既，為泉章居平靚正打牌序幕。
黃金脆釀百花球
172 瀏覽
0 讚好
0 留言
即係蝦肉球，蝦肉好好食，有香既蝦味。外表炸得金黃香脆，但略嫌有d油，因為要索一索油先上碟，可能人太多，廚房應付唔黎。
翡翠黑豚肉花姿/發財蒜子瑤柱莆
146 瀏覽
0 讚好
0 留言
黑豚肉炒得好香,花姿片亦炒得非常唔錯，好有鑊氣，加上西蘭花，中和下令佢唔會太咸，口感更多層次，唔錯！
瑤柱好大粒加上髮菜亦好好食，其實都係拎個意頭發財，不過真係好油下。
原隻鮑魚件花菇
113 瀏覽
0 讚好
0 留言
以呢個價錢有呢隻size既鮑魚，都算係唔錯，當然味道亦唔錯幾好食。加上我最愛既冬菇，煮得岩岩好，軟硬適中。不過呢個菜真係好油好油，比之前既油太多，食到成嘴油，所以大降分。
清蒸大海青斑
159 瀏覽
0 讚好
0 留言
薑蔥花本來就係魚上面。上枱睇住佢落蒸魚豉油，淋滾油。淋滾油呢個部驟非常重要，因為要辟腥味同同令魚肉更滑，蒸魚豉油同薑蔥花好香，食落去令魚肉更鮮味，更加香滑。蒸魚豉油絕對係酒樓蒸魚既靈魂，通常係屋企都好難整到咁香咁好味既豉油，拎黎送飯絕對係一流，無得頂。泉章居蒸得岩岩好，唔會一夾就散，一啲都唔腥好有魚味。而且條魚真係好大條，食極都食唔完，我地七人對呢碟魚都讚不絕口。
正金牌鹽焗雞
142 瀏覽
0 讚好
0 留言
鹽焗雞係泉章居既招牌菜，亦係我最愛既菜。雞味重，雞肉好滑，雞皮下脂肪好厚，但係非常甘香，唔怕肥既人一定要食，我一直認為雞皮係雞既靈魂，食雞唔食皮不如唔好食雞，雞皮真係好正！整隻雞有鹽香，但又唔會太過鹹，雞肉好入味，好好味，一流好食，開左咁耐，雞味未曾改變！
鴻運乳豬大拼盤
141 瀏覽
0 讚好
0 留言
海蜇係精華所在，呢到既海蜇頭好爽好易入口，真係好好食，我地一行人老人家都係到索索聲，咬落口唔會太散，有少少UN，係高質素既海蜇。但乳豬其實好普通下，好似放左好耐咁，太過un，差唔多咬唔爛，大扣分。
富貴海皇炒飯
138 瀏覽
0 讚好
0 留言
普通蛋白炒飯，加幾隻蝦就叫富貴....泉章居你對富貴既定義都幾廣下。飯炒得幾靚，賣相唔錯，味道好啖下，唔推介。仲有，我地一班人食到呢碟上既時候已經有啲飽。
蠔皇炆伊麵
170 瀏覽
0 讚好
0 留言
呢個伊麵真係好普通加啲菇炒埋一碟就算，其實都幾普通下，而且我地真係好飽，已經乜都唔想食，所以都唔評咁多啦。
最後，我地食到真係超級飽，7個人食6人餐，都係好飽好飽，埋單$1780，唔洗加一。
題外話/補充資料：
好多菜式都太過油，我係一個好鍾意食油既人都覺得真係太油，好肥。
(以上食評乃用戶個人意見 , 並不代表OpenRice之觀點。)
張貼
