影片
更多
2018-03-26
1031 瀏覽
這裡絕對唔會讓你失望，而且呢個感覺就好似去旅行時搵間夠特別夠人氣又食得好嘅餐廳，今晚就點了伊勢海老鐵板燒$2088兩位，望到價錢感覺好似好貴，但見到裡面嘅食材，加埋廚師係你面前不停在鐵板上煎嘅廚藝，咁就完全超值！真係除了手作前菜同甜品外，廚師一直在你面煎不停為你準備每啖道菜，我又好忙，師傅都好忙，一張枱同時有二至三個客，師傅就真係忙個不停！落單後即上手作前菜，鮮蘆筍沙律菜配埋個鵝肝卷，口味清新，確實係為今晚品嘗美食嘅新開始！廚師就將今晚嘅食材放在眼前，有東星班、龍蝦、A5級和王牛，師傅最先就係按餐牌上嘅次序開始，在鉄板上煎，師傅先將塊魚皮同魚肉分開去煎，而塊魚皮煎度真係脆卜卜，插住塊東星班嘅魚肉上，加埋個即煮醬汁，賣相已經好正，魚肉夠晒新鮮彈牙爽口夠晒口感，加埋塊香脆魚皮，味道真係絕佳配搭！跟住就係海膽汁煮龍蝦，隻龍蝦雖然已切開兩邊，但一在鉄板上煎時，隻龍蝦重有反應，重會腳仔伸下伸下生生猛咁！同時間師傅在鉄板上煮埋個海膽汁，兩三下師傅就將龍蝦肉同蝦殼分開，將龍蝦肉分件再煎，上碟後在龍蝦肉旁加上海膽汁，龍蝦肉入口個種鮮味彈牙嘅感覺真係超級新鮮，如加埋個海膽汁時又係另一風味，更加鮮味，但絕
今晚就點了伊勢海老鐵板燒$2088兩位，望到價錢感覺好似好貴，但見到裡面嘅食材，加埋廚師係你面前不停在鐵板上煎嘅廚藝，咁就完全超值！真係除了手作前菜同甜品外，廚師一直在你面煎不停為你準備每啖道菜，我又好忙，師傅都好忙，一張枱同時有二至三個客，師傅就真係忙個不停！
落單後即上手作前菜，鮮蘆筍沙律菜配埋個鵝肝卷，口味清新，確實係為今晚品嘗美食嘅新開始！
廚師就將今晚嘅食材放在眼前，有東星班、龍蝦、A5級和王牛，
師傅最先就係按餐牌上嘅次序開始，在鉄板上煎，師傅先將塊魚皮同魚肉分開去煎，而塊魚皮煎度真係脆卜卜，插住塊東星班嘅魚肉上，加埋個即煮醬汁，賣相已經好正，魚肉夠晒新鮮彈牙爽口夠晒口感，加埋塊香脆魚皮，味道真係絕佳配搭！
跟住就係海膽汁煮龍蝦，隻龍蝦雖然已切開兩邊，但一在鉄板上煎時，隻龍蝦重有反應，重會腳仔伸下伸下生生猛咁！同時間師傅在鉄板上煮埋個海膽汁，兩三下師傅就將龍蝦肉同蝦殼分開，將龍蝦肉分件再煎，上碟後在龍蝦肉旁加上海膽汁，龍蝦肉入口個種鮮味彈牙嘅感覺真係超級新鮮，如加埋個海膽汁時又係另一風味，更加鮮味，但絕對按個人喜愛選擇，我當然一半原味，一半點汁吃！
差不多食到一半時，師傅就為我們準備熊本懸產A5和皇牛，細心嘅師傅會先問問要幾成熟(我要五成熟)，一塊牛扒就由師傅切成兩件煎，之後由師傅再切成細件再煎，同時會將伴碟嘅鮮蘆筍、南瓜片、大冬菇一齊在鉄板上煎，最後師傅好認真地將它們放靚靚上碟，而個A5和皇牛就真係好正，入口時個種充滿肉汁嘅感覺好強，而且十分軟熟，重有只能在口中溶化，師傅嘅用心，真係做到一口A5和皇牛入口！
當細味欣賞A5和皇牛時，師傅又開始準備和牛炒飯，見到啲飯在鉄板上喜舞嘅情況，先後將雞蛋，和牛，調味嘅醬汁加到飯上，師傅用兩三下手勢就已經將啲飯同和牛混埋一齊，成了今晚枱上嘅和牛炒飯，入口時感覺到飯身嘅煙韌彈牙重充滿好香嘅蛋味，一啲都會覺得乾身！
最後上味清酒煮蜆，師傅先用一個錫紙兜放在鉄板上，之後加入清酒，跟住係上面點火，並加埋啲蜆入去煮，細心嘅師傅不時望望啲蜆是否已熟打開，待會師傅夾出熟了的蜆在碗上，最後將個清酒湯注回碗內，蜆肉鮮甜彈牙，而個清酒湯反而唔會有太濃嘅酒味，可能之前點火時蒸發了，但係味道都好鮮味！
跟住就上埋個甜品，有雪糕或柚子果凍，選了自家製柚子果凍，入口有好濃郁嘅柚子味道重要好有口感，
食完感覺真好，美味質素高！張貼
