金記冰室 (八號花園) (已結業)

最近疫情關係好多人都會買外賣返屋企，避免喺餐廳多人聚集用餐傳播病菌的機會，我今次就係位於大埔中心的金記冰室叫咗幾個外賣套餐返屋企食。職員服務殷勤親切，先俾一份厚厚嘅餐牌我哋揀選食物，食物圖片好吸引，一口氣就叫咗三個套餐！金記精選之一 金牌乾炒牛河 即叫即炒，食落去好有鑊氣，而且牛肉嘅份量多，配料嘅芽菜同埋河粉好入味。仲有我最愛嘅雪菜肉絲米粉套餐，配以腸仔、炒蛋及多士認真豐富，炒蛋好香滑，雪菜肉絲好足料，所以成碗米粉好濃郁。朋友的迷你西多士茶餐又係好吸引，炸雞髀配迷你西多士簡直是絕配，我都忍不住偷食一舊雞脾肉，肉質很新鮮嫩滑，迷你西多士仲有煉奶配送，更加Creamy。最後一杯凍檸賓爽一爽喉嚨，簡直是夏日飲品之選。這個下午茶既豐富又抵食，難怪我一向都是金記冰室的粉絲！