📍 友義氣酸菜魚| 𝑪𝒂𝒖𝒔𝒆𝒘𝒂𝒚 𝑩𝒂𝒚
係銅鑼灣想食鑊氣小炒，咁啱搵到係金百利廣場竟然有間有得食酸菜魚同小炒嘅中菜館👅。電話訂座仲有八折優惠非常抵食～
.
當日兩個人嗌咗個標準Size嘅中辣酸菜魚，佢地用嘅係特選海鱸魚所以魚質食落好滑。🎣平時食譚仔十小辣覺得佢個中辣啱啱好，唯一係啲魚片唔算太入味，會有啲同湯底分開嘅感覺。配料唔算多，有大量金針茹、萵筍同幾條寬粉。
.
另外小炒方面嗌咗沙拉骨同避風塘茄子。沙拉骨酸酸甜甜，配埋啲沙律醬食落好夾幾開胃。避風塘茄子炒得幾香幾惹味，口感竟然會有啲似九肚魚好特別。
.
整體黎講雖然環境一般，不過以係銅鑼灣埋單四百幾蚊都幾抵食，個人覺得小炒比酸菜魚更出色。而且員工都好熱情，性價比幾高🫶🏻。
