影片
更多
2016-03-25
952 瀏覽
事前幫襯過幾次，都覺得食物ok，然而我無諗過d 服務係一次比一次差，實在忍唔住share. 只係當時太餓，未有拍照就食左我地一行三人來到呢間餐廳，起初見佢無乜人等位，好快已經入到去。首先我地見到餐牌上有個紅燒乳鴿（$23.8@1), 仲有清蒸bb龍躉仔（$88). 由於覺得好抵，於是我地即刻order 左兩隻乳鴿同埋一條魚。再加埋個杞子魚湯浸菜苗（$68). 最先上菜既係乳鴿。見到賣相都ok, 個皮食落亦都脆身香口，本來心中暗喜，覺得乳鴿既性價比好高，仲以為呢餐好抵食。點知呢個先係惡夢既開始。然後個菜苗就送到來了。我一睇，點解係勁大條既小白菜，唔多覺係菜苗，湯亦唔覺有魚味。但諗住清清地，都算啦，味道亦不算太差。到條魚來到，我食落條魚既肉係實既，但大家唔好諗住佢會稔同滑。但呢個價錢，又唔腥，條魚都叫不過不失了。食完主菜，大家意猶未盡想order 甜品食。但叫極都無人理，隻手舉住10分鐘都無人行埋來，靜係不停話：得啦得啦。小妹感到被敷衍。直到有人來幫我地落單，order 左2碗雙皮奶同1碗紅豆沙。但10分鐘後又再有人通知我地無紅豆沙，結果加多個雙皮奶。先來的兩碗雙皮奶，實在唔覺有雙皮，然
我地一行三人來到呢間餐廳，起初見佢無乜人等位，好快已經入到去。首先我地見到餐牌上有個紅燒乳鴿（$23.8@1), 仲有清蒸bb龍躉仔（$88). 由於覺得好抵，於是我地即刻order 左兩隻乳鴿同埋一條魚。再加埋個杞子魚湯浸菜苗（$68).
最先上菜既係乳鴿。見到賣相都ok, 個皮食落亦都脆身香口，本來心中暗喜，覺得乳鴿既性價比好高，仲以為呢餐好抵食。點知呢個先係惡夢既開始。然後個菜苗就送到來了。我一睇，點解係勁大條既小白菜，唔多覺係菜苗，湯亦唔覺有魚味。但諗住清清地，都算啦，味道亦不算太差。到條魚來到，我食落條魚既肉係實既，但大家唔好諗住佢會稔同滑。但呢個價錢，又唔腥，條魚都叫不過不失了。
食完主菜，大家意猶未盡想order 甜品食。但叫極都無人理，隻手舉住10分鐘都無人行埋來，靜係不停話：得啦得啦。小妹感到被敷衍。直到有人來幫我地落單，order 左2碗雙皮奶同1碗紅豆沙。但10分鐘後又再有人通知我地無紅豆沙，結果加多個雙皮奶。先來的兩碗雙皮奶，實在唔覺有雙皮，然後像水一樣，亦都好甜。而第三碗雙皮奶實在好遲都未來，於是我地想叫人幫我地cut 左呢個order, 再埋單。我地實在有地方要去，只想快d 埋單。點知個阿姐A呢頭應承左我地cut 單，轉個頭就行埋左一邊打電話。10分鐘後仍然未有人埋單。但阿姐B 就將第三碗雙皮奶送上。我同佢講已經叫左cut 單。但阿姐B話岩岩個阿姐（阿姐A) 靜係催佢地快d 上。然後我真心感到被騙跟住找錢時亦見到阿姐B 找少左10元要番轉頭拎。但我地三人已覺得自己被水而怒火中燒。最後我地一致決定唔會再幫襯。
張貼