浪．居酒屋

是次同舊友聚會，揀左黎銅鑼灣登龍街呢間居酒屋。
由於係居酒屋，都預左食物比較貴，大家傾計為主。

店舖位於商場既1樓，搭扶手電梯上一層就見到。偶爾有客人入座，侍應就會敲門口既鼓歡迎，氣氛幾好，都令人幾放鬆。
menu選擇非常多，我地都揀左一輪，包括6件壽司，大量串燒，枝豆，鯖魚等等。

串燒

食野途中，鄰桌生日，staff搞起氣氛令大家一齊唱生日歌，但最重要都係每枱每人都有一小杯清酒送，幾好飲
由於清酒好飲，我地又叫左一支。

sake

當大家開始飽時，就係飲清酒既時候，途中有講有笑，直到清酒有完就散場。
我地坐既角落位近門口，有棵假櫻花樹佈景係後面，影相唔錯。