夏捌月 (已結業)

夏捌月，聽個名好有仲夏陽光既感覺，但實際上無論裡裡外外都係沉實用色既設計，係較傳統既西餐廳。但佢又十分玩味，牆上掛左幾幅rbrick 果d 熊figure 既掛畫，成件事又即刻多左股年輕既味道。午餐奉送餐包同湯。我地叫左兩個餐share 食啦，豬扒紐倫堡腸有成兩塊豬扒咁多，雖然唔係好厚切，但係都好滿足。d 肉仲係較粉紅色，鮮嫩唔鞋，十分難得。跟左薯菜，d 薯條較raw，唔係炸左好耐時間，香口得黎又唔會太油膩。另外果個茄茸牛柳絲意粉真係好好食！首先佢d 醬入面既餸既份量都幾多，食極都仲有…d 牛肉一樣係好腍，蕃茄多多甜少少酸，overall 令人食落好開胃，同埋果d 豆芽好清新爽口。餐廳其中一個賣點係凍飲係樽裝預先雪定。我地叫左一枝朱古力同一枝咖啡，我飲咖啡啦，呢個就有少少普通，味道真係同一般茶餐廳既無乜分別。如果要加$8，我下次應該叫番普通凍飲算。